U internecie źjaviłasia videa, na jakim čałaviek, jaki pradstaviŭsia hramadzianinam Biełarusi, Kuźmiankovym Jaŭhienam Anatoljevičam, prosić Piatra Parašenku ŭrešcie dać hramadzianstva zamiežnikam, jakija vajujuć za Ukrainu.
Bajec z pazyŭnym «Makłaŭd». Skrynšot ź videa
«Ja vajuju ŭ składzie «Azova», pazyŭny «Makłaŭd», — kaža chłopiec napačatku zvarotu. — Pavažany Piatro Alaksiejevič, ja chacieŭ by źviarnucca da vas ad imia svaich ziemlakoŭ, a taksama siabroŭ z Rasii i Jeŭropy».
«Ja chacieŭ by, kab vy strymali svajo abiacańnie i dali nam hramadzianstva. Viartacca nam niama kudy. My vajujem za Ukrainu i budziem vajavać da kanca. I, kali treba, my pamrem va Ukrainie i za jaje. Ja chacieŭ by, kab vy strymali svajo słova», — prosić «Makłaud».
Jak viadoma, raniej prezident Ukrainy abiacaŭ usim zamiežnym dobraachvotnikam ukrainskaje hramadzianstva. Bolš za toje, pieršy pašpart byŭ demanstracyjna ŭručany biełarusu Siarhieju Karotkich, jaki ciapier uznačalvaje raźviedku «Azova».
Ale dalej sprava zabuksavała — biełarusam, što vajujuć za Ukrainu, pakul tolki praciahvajuć termin znachodžańnia ŭ krainie, nie dajučy hramadzianstva.
