Amerykanski vytvorca zbroi Spike's Tactical prapanuje na rynku šturmavuju vintoŭku Crusader («Kryžak»), chryścijanskija simvały i cytaty na jakoj, pa mierkavańni pradaŭca, buduć zaminać isłamistam vykarystoŭvać hetuju zbroju.
Z adnaho boku na vintoŭcy vyjava ščyta z kryžam, padobnym da kryža katalickich duchoŭna-rycarskich ardenoŭ, na druhim — cytata ź Biblii. «Błasłaviony Hospad, maja Skała, Jaki rychtuje maje ruki da vajny, maje palcy da bitvy», — napisana łazieram na stvolnaj karobcy.
Niekatoryja arhanizacyi, jakija vystupajuć u abaronu isłamskaj mienšaści ŭ ZŠA, raskrytykavali Spike's Tactical, zajaviŭšy, što heta tolki markietynhavy chod, jaki maje za metu skarystacca z prapahandy nianaviści i hvałtu.
«My chacieli zrabić tak, kab hetuju zbroju nikoli nie mahli vykarystoŭvać isłamskija terarysty, kab zabivać niavinnych ludziej ci pašyrać svaje radykalnyja płany», — skazaŭ pradstaŭnik kampanii-vytvorcy Bien Tomas, vieteran vojnaŭ u Irakie i Afhanistanie.
Kalibr aŭtamata, jaki, vidavočna, zrobleny na bazie amerykanskaha karabina AR-15, — 5,56 mm. Kanstrukcyja dazvalaje vykarystoŭvać šyroki šerah prycełaŭ i roznych taktyčnych pryładaŭ.
