Amierykanskija ŚMI sa spasyłkaj na aficyjnyja krynicy nazvali imia maładoha čałavieka, jaki zładziŭ stralbu na terytoryi kaledža Umpqua Community College ŭ horadzie Rouzburh, štat Arehon.
Jak paviedamili telekanały Si-en-en, Si-bi-es i En-bi-si, strałka zavuć Krys Charpier Miersier, jamu było 26 hadoŭ. Niekatoryja ŚMI paviedamlajuć, što Miersier nie byŭ studentam kaledža. Taksama paviedamlajecca, što palicyja ŭžo dapytała jaho siamju.
Raniej prezident ZŠA Barak Abama vystupiŭ sa zvarotam, u jakim zaklikaŭ zrabić bolš žorstkim zakony, jakija tyčacca prodažu i našeńnia zbroi.
«My nie adzinaja kraina na Ziamli, dzie jość ludzi ź psichičnymi zachvorvańniami abo žadajučyja nanieści škodu inšym. Ale my - adzinaja ź pieradavych krain na Ziamli, dzie takija masavyja rasstreły adbyvajucca kožnyja niekalki miesiacaŭ», - skazaŭ prezident.
Prynamsi dzieviać čałaviek zahinuli i siamiora paranienyja ŭ vyniku stralby na terytoryi kaledža Umpqua Community College ŭ horadzie Rouzburh, štat Arehon. Sam złačyniec zahinuŭ u pierastrełcy z palicyjaj
Kamientary