Premjer Rumynii: Rasiejcy lohka prychodziać, ale potym ich ciažka pazbavicca
![](http://nnexpictures.fra1.digitaloceanspaces.com/img/w732d4webp1/photos/z_2014_11/ponta141103.jpg.webp)
Premjer-ministr Rumynii Viktar Ponta ličyć, što pad vyhladam akazańnia dapamohi jakoj-niebudź dziaržavie, ruskija zaŭsiody lohka prychodziać, ale potym ich ciažka pazbavicca.
Tak rumynski premjer u razmovie sa svaim Iardanskim kaleham Abdułoj Jensuram prakamientavaŭ vajennyja dziejańni Rasii ŭ Siryi, pieradaje ŭłasny karespandent Ukrinfarma.
«Hruntujučysia na histaryčnym minułym adnosin Rumynii ź jaje uschodnim susiedam Rasijaj, mahu śćviardžać, što ruskija zaŭsiody lohka prychodziać, ale potym vielmi ciažka zychodziać», — zajaviŭ rumynski premjer.
Pavodle jaho słoŭ, vajennyja dziejańni Rasii naŭrad ci dapamohuć ŭrehulavać situacyju ŭ Siryi: naadvarot, jany mohuć spryjać pahłybleńniu siryjskaha kryzisu.
Rumynski premjer taksama vykazaŭsia za pašyreńnie supracoŭnictva z uładaj Iardanii ŭ vyrašeńni prablem biežancaŭ ź Siryi i krain Paŭnočnaj Afryki.
Kamientary