16 sakavika a 18.00 u małoj zali k/z «Miensk» adbudziecca supolny kancert paetaŭ‑bardaŭ Eduarda Akulina i Alesia Kamockaha.
«Pieśni załatoj Kryvii» Eduarda Akulina abjadnali ŭ sabie dva papiarednija mahnitaalbomy — «Maja Kryvija» i «Jak jana i ja». «Impreza, jakaja adbudziecca 16 sakavika, — heta adna z šerahu prezentacyj «Piesień załatoj Kryvii» zaplanavanych u hetym hodzie, i, darečy, nia tolki ŭ Miensku, — kaža bard. — Źbirajusia taksama zapisać novy kampakt‑dysk jašče da kanca hetaha hodu, urešcie paradavać prychilnikaŭ majoj paezii vychadam novaha zbornika vieršaŭ. Da taho ž, maru vydać sioleta aŭtarskuju Antalohiju pierakładaŭ sučasnaj ukrainskaj paezii — «Ukrainski majdan», pracy nad jakoj byli addadzienyja apošnija dva hady žyćcia».
Aleś Kamocki ŭ hetym miesiacy planuje vydać albom «Z baćkoŭskaj kružełki». Na płytcy buduć savieckija chity druhoj pałovy XX st., pierakładzienyja na biełaruskuju movu.
Pačatak kancertu a 18.00.
Kvitki ad 10 000 da 18 000. Infarmacyja praz teł.: (029) 766‑24‑25, 649‑08‑88, (017) 328‑66‑38 (kasa k/z «Miensk»).
Kamientary