Ministr kultury Biełarusi Barys Śviatłoŭ nie staŭ kamientavać BiełaPAN prysudžeńnie biełaruskaj piśmieńnicy Śviatłanie Aleksijevič 8 kastryčnika Nobieleŭskaj premii pa litaratury.
Sustrecca ź ministram udałosia 9 kastryčnika ŭ Minsku paśla padpisańnia pahadnieńnia ab supracoŭnictvie pamiž Dziaržaŭnym litaraturnym muziejem Janki Kupały i Fiederalnaj nacyjanalna-kulturnaj aŭtanomijaj «Biełarusy Rasii». Čynoŭnik nie staŭ kamientavać prysudžeńnie premii Aleksijevič, spasłaŭšysia na toje, što ŭ jaho niama času.
Varta adznačyć, što ŭ hety ž dzień na sajcie Minkultury źjaviłasia karotkaje vinšavańnie. «Ministerstva kultury Respubliki Biełaruś ščyra vinšuje Aleksijevič Śviatłanu Alaksandraŭnu z atrymańniem vysokaj uznaharody — Nobieleŭskaj premii ŭ halinie litaratury. Žadajem ščaścia i dabrabytu, nievyčerpnaha natchnieńnia, novych tvorčych płanaŭ i dasiahnieńniaŭ na karyść ajčynnaj kultury», — havorycca ŭ paviedamleńni ministerstva.