U Kryčavie ŭ apošni dzień daterminovaha hałasavańnia 10 kastryčnika na Sožavym vybarčym učastku №4 niezaležnyja naziralniki naličyli na 101 prahałasavaŭšaha mienš, čym heta było zafiksavana ŭ pratakole ŭčastkovaj vybarčaj kamisii. Na Vakzalnym učastku №8 niezaležnaja naziralnica Nadzieja Ivanova naličyła na 25 prahałasavaŭšych mienš, čym heta zafiksavali členy ŭčastkovaj vybarčaj kamisii, choć padčas hałasavańnia naziralnica ni na chvilinu nie pakidała vybarčy ŭčastak.
Jak adznačaje niealežny naziralnik Siarhiej Niaroŭny, na Sožavym učastku №5 dadzienyja naziralnikaŭ i ŭčastkovaj kamisii, i ŭ apošni dzień daterminovaha hałasavańnia, i za ŭvieś pieryjad daterminovaha hałasavańnia, supali. 10-ha kastryčnika tut prahałasavała 147 vybarščykaŭ, a za ŭvieś pieryd daterminovaha hałasavańnia 549 čałaviek z ahulnaj kolkaści ŭniesienych u śpisy 1560 vybarščykaŭ, što skłała 35,2%.
Taksama na Sožavym vybarčym učastku №4 naziralnikami była zafiksavana sproba paŭtornaha hałasavańnia z boku adnoj žančyny. Heta žančyna ŭ pieršy raz prahałasavała na hetym vybarčym učastku ŭ aŭtorak 6 kastryčnika, a paśla sprabavała heta zrabić paŭtorna ŭ piatnicu 9 kastryčnika. Tolki paśla zaŭvahi niezaležnaha naziralnika členy ŭčastkovaj vybarčaj kamisii admovilisia vydavać joj biuluteń dla hałasavańnia.
Pa słovach Siarhieja Niaroŭnaha, uvieś pieryjad daterminovaha hałasavańnia ŭ Kryčavie nie spyniaŭsia cisk z boku administracyi praktyčna va ŭsich pradpryjemstvach i arhanizacych horada na svaich pracaŭnikoŭ, kab prymusić ich prahałasavać daterminova. Niezaležny naziralnik adznačaje, što ludziam prapanoŭvali hałasavać daterminova nie tolki samim, ale zaachvočvać da heta členaŭ svaich siamiej. Asabliva taki cisk naziraŭsia ŭ biudžetnych ustanovach.
http://spring96.org/be/news/80616
