«Biełaruś źjaŭlajecca donaram stabilnaści ŭ rehijanalnym kantekście», — zajaviŭ pieršy namieśnik staršyni Nacyjanalnaha savieta Aŭstryi Karłchajnc Kopf 13 kastryčnika ŭ Minsku na sustrečy sa staršynioj Pałaty pradstaŭnikoŭ Uładzimiram Andrejčankam.
«Chaciełasia b zaznačyć, što Biełaruś źjaŭlajecca nie tolki stabilnaj krainaj (z punktu hledžańnia palityčnaj stabilnaści), ale jana i prykładaje namahańni pa stabilizacyi situacyi ŭ rehijonie. My vielmi vysoka cenim namahańni kiraŭnictva Biełarusi, u pieršuju čarhu prezidenta, dla dasiahnieńnia prahresu va ŭrehulavańni kanfliktu va Ukrainie. Heta cenicca va ŭsioj Jeŭropie, i ŭ Aŭstryi asabliva», — skazaŭ jon.
Pavodle słoŭ Kopfa, jon nie chacieŭ by zamoŭčvać, što ŭ Aŭstryi viadziecca dyjałoh ab deficycie svabod u Biełarusi. «Ale ja adnošusia da tych ludziej, jakija bačać pazityŭ u jaje apošnich krokach, miarkujuć, što treba padtrymać Biełaruś u hetym kirunku», — skazaŭ jon.
Kopf miarkuje, što «nie treba vieści takuju palityku, kali Biełarusi pastajanna pahražajuć sankcyjami».
Ciapier čytajuć
«Siadzieŭ užo 50 sutak, zatrymali jaho dziaŭčynu i brata». Sukamiernik raskazaŭ pra radyjoamatara, aryštavanaha za zdradu dziaržavie4
Kamientary