Žanr: fantastyka, pryhody
Režysior: Rydli Skot
U rolach: Met Dejman, Džesika Čestejn, Kirsten Uih, Džef Deniełs, Majkł Pieńja, Šon Bin, Kiejt Mara, Siebaśćian Sten, Aksel Chieni, Čyvietel Edžyafor
ZŠA, 141 chv.
Adznaka: 8,5
Marsijanskaja misija «Ares-3» amal na samym pačatku svajoj pracy vymušanaja ekstranna pakinuć płanietu z-za piasčanaj bury. Padčas evakuacyi inžynier i batanik Mark Uotni paškodziŭ skafandr i straciŭ prytomnaść. Supracoŭniki misii, paličyŭšy jaho zahinułym, evakujavalisia z płaniety, pakinuŭšy Marka adnaho.
Ačuniaŭšy, Uotni vyjaŭlaje, što suviaź ź Ziamloj adsutničaje, ale pry hetym całkam funkcyjanuje žyły modul. Paranieny, ale žyvy, hałoŭny hieroj pačynaje šukać sposab pratrymacca na najaŭnych zapasach ježy, vitaminaŭ, vady i pavietra jašče 4 hady da prylotu nastupnaj misii «Ares-4».
Scenar dla stužki stvaryŭ Dru Hadard, 50 staronak jaho składajuć materyjały NASA. Misija na Mars, apisanaja ŭ filmie, źjaŭlajecca imitacyjaj realnaj misii, jakuju ŭpraŭleńnie płanuje ŭ budučyni. «Pryčyna, pa jakoj u NASA tak zadavolenyja knihaj, a taksama hladzieli film dvojčy — navukovyja apisańni ŭ im davoli dakładnyja. Usio, što robić hieroj, sapraŭdy dapamahło b jamu vyžyć», — paviedamiŭ režysior Rydli Skot.
Zdymki filma prachodzili ŭ pustelni Vadzi Ram u Iardanii. Film nasamreč uražvaje. Padziei apisvajucca dynamična, bolšaść ź ich adbyvajecca ŭ ekstremalnych umovach, dzie lubaja pamyłka moža być fatalnaj. Nasyčanaść i navukovaja dakładnaść, prosty humar i apielavańnie da čałaviečych kaštoŭnaściaŭ robiać stužku cikavaj dla kožnaha hledača.
Kamientary