Hienieralnym płanam Minska praduhledžvajecca ŭzrovień aŭtamabilizacyi — adzin aŭtamabil na siamju, paviedamiŭ žurnalistam 14 kastryčnika na prezientacyi karekciroŭki hienpłana stalicy hałoŭny architektar UP «Minskhrada» Alaksandr Akienćjeŭ.
«Siońnia ŭ nas norma 380 aŭtamabilaŭ na 1.000 čałaviek nasielnictva, a kaeficyjent siamiejnaści vyras da 3,09, ci 324 na tysiaču. My prapanoŭvali normu ŭ 350, ale MUS nie padtrymała nas i prapanavała 370. Hetu normu my pakinuli, ale ŭ hienpłanie ŭstanavili, što budziem raspracoŭvać prahramu mierapryjemstvaŭ pa strymlivańni rostu ŭzroŭniu aŭtamabilizacyi z raźliku 350 aŭtamabilaŭ na tysiaču žycharoŭ», — adznačyŭ Akienćjeŭ.
Pavodle jaho słoŭ, dla vyrašeńnia prablemy pierahruzki transpartam vulic horada pryniata rašeńnie ab budaŭnictvie vulic — dubloraŭ hałoŭnych transpartnych arteryj. «Heta buduć takija ž šaścipałosnyja transpartnyja kamunikacyi, jakija buduć hałoŭnym čynam iści ŭzdoŭž čyhunak», — skazaŭ ekśpiert.
«Kali my patroim prapusknuju zdolnaść radyjalnych napramkaŭ, ni pra jakuju pierahruzku havorki być nie moža. Što datyčycca kalcavych suviaziaŭ, to ŭ nas u horadzie ich pakul niama. U nas jość paŭkolcy-suviazi pamiž asobnymi rajonami. My płanujem dabudavać pieršaje kalco i źviazać vulicu Prytyckaha i Žukoŭskaha, pabudavać dva puciepravody. Takim čynam my amal zamkniom pieršaje kalco», — adznačyŭ Akienćjeŭ.
