Indaniezija ŭviała biaźvizavy režym dla biełaruskich turystaŭ, jakija płanujuć prabyć u krainie nie bolš jak 30 dzion. Pra heta siońnia paviedamiŭ načalnik upraŭleńnia infarmacyi — pres-sakratar Ministerstva zamiežnych spraŭ Biełarusi Dźmitryj Mirončyk.
«U adpaviednaści z rašeńniem urada Indaniezii dla hramadzian Biełarusi ŭviedzieny biaźvizavy ŭjezd na terytoryju Indaniezii pry karotkaterminovych, da 30 dzion, pajezdkach u turystyčnych metach», — skazaŭ Dźmitryj Mirončyk.
Prava biaźvizavaha pierasiačeńnia hranicy Indaniezii pradastaŭlajecca pry ŭmovie ŭjezdu i vyjezdu praz vyznačanyja indaniezijskim bokam punkty propusku ŭ aeraportach, partach i na pahraničnych pierachodach. Dla biaźvizavaha ŭjezdu ŭ Indanieziju hramadzianie Biełarusi pavinny pradjavić bilet nazad i pašpart, da zakančeńnia terminu dziejańnia jakoha zastajecca nie mienš jak šeść miesiacaŭ z momantu pierasiačeńnia hranicy Indaniezii.
Termin znachodžańnia na indaniezijskaj terytoryi nie pavinien pierasiahać 30 dzion i nie padlahaje pradaŭžeńniu. Pry turystyčnych pajezdkach praciahłaściu bolš za 30 dzion, a taksama pajezdkach u inšych metach dla hramadzian Biełarusi zachoŭvajecca mahčymaść atrymańnia vizy paśla prybyćcia ŭ Indanieziju. Hety paradak dziejničaje ŭ adnosinach da biełaruskich hramadzian z 16 sakavika 2015 hoda
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary