Deputaty pryniali zakon pa abaronie dziaciej ad «škodnaj infarmacyi»

Biełaruskija deputaty siońnia pryniali ŭ pieršym čytańni zakonaprajekt «Ab uniasieńni dapaŭnieńniaŭ i źmianieńniaŭ u niekatoryja zakony Respubliki Biełaruś».

Pavialičyć

Jak rastłumačyŭ ministr adukacyi Michaił Žuraŭkoŭ, papraŭki ŭ niekatoryja zakony nosiać mižhalinovy charaktar i pryznačany dla kompleksnaha pravavoha rehulavańnia adnosin, źviazanych z abaronaj dziaciej ad infarmacyi, što nanosić škodu ich zdaroŭju i raźvićciu.

Dakumient praduhledžvaje ŭniasieńnie źmianieńniaŭ i dapaŭnieńniaŭ u niekalki zakonaŭ Biełarusi, siarod jakich «Ab pravach dziciaci». Što datyčycca hetaha zakona, papraŭki zamacoŭvajuć prava dziciaci na abaronu ad infarmacyi, što nanosić škodu jaho zdaroŭju i raźvićciu. Akramia taho, vyznačajucca źviestki, jakija mohuć akazać niehatyŭny ŭpłyŭ na zdaroŭje, fizičnaje i maralnaje raźvićcio dziciaci. Prapisany ŭmovy i paradak paviedamleńnia ab źmieście infarmacyjnaj pradukcyi, mahčymaści naniasieńnia joju škody zdaroŭju i raźvićciu dziciaci šlacham prysvajeńnia infarmacyjnaj pradukcyi adpaviednaha znaka ŭzrostavaj katehoryi. U hetym vypadku, pavodle słoŭ Michaiła Žuraŭkova, majucca na ŭvazie ŭzrostavyja katehoryi «0+» (što aznačaje biez abmiežavańniaŭ), «6+» (dla asob, jakija dasiahnuli šaści hadoŭ), a taksama katehoryi «12+», «16+» i «18+».

«Papraŭki zamacoŭvajuć abaviazak jurydyčnych asob, IP, jakija ažyćciaŭlajuć dziejnaść pa vytvorčaści i (abo) raspaŭsiudžvańni infarmacyjnaj pradukcyi, prysvojvać takoj pradukcyi znak uzrostavaj katehoryi», — prainfarmavaŭ ministr.

Akramia taho, uskładajecca abaviazak prymianiać prahramna-aparatnyja srodki filtracyi, jakija dajuć mahčymaść nie dapuścić raspaŭsiudžvańnia siarod dziaciej škodnaj infarmacyi, administracyjnyja i arhanizacyjnyja miery adnosna kampjutarnych kłubaŭ, internet-kafe, inšych miesc, u jakich zabiaśpiečvajecca kalektyŭny dostup karystalnikaŭ da internetu, u tym liku ŭstanoŭ adukacyi.

«Dla kaardynacyi dziejnaści dla abarony ad takoj infarmacyi prajektam zakona praduhledžvajecca stvareńnie pry ŭradzie hramadska-kansultatyŭnaha savieta pa abaronie dziaciej ad infarmacyi, što nanosić škodu ich zdaroŭju i raźvićciu», — raskazaŭ Michaił Žuraŭkoŭ.

Jašče adzin zakon, u jaki ŭnosiacca karekciroŭki, — «Ab rekłamie». U pryvatnaści, prapanujecca zamacavać patrabavańni ab paznačeńni ŭ rekłamie kulturna-vidoviščnaha mierapryjemstva ŭzrostavaj katehoryi, na jakuju raźličana mierapryjemstva.

Papraŭki, jakija ŭnosiacca ŭ zakon «Ab srodkach masavaj infarmacyi», zamacoŭvajuć patrabavańnie ab abaviazkovaści raspaŭsiudžvańnia infarmacyjnaj pradukcyi ŚMI z prysvojenym znakam uzrostavaj katehoryi.»Abaviazak pa prysvajeńni znaka ŭzrostavaj katehoryi ŭskładajecca na redakcyju srodku masavaj infarmacyi», - rastłumačyŭ ministr. Vyznačany vidy infarmacyjnaj pradukcyi ŚMI, raspaŭsiudžvańnie jakich dapuskajecca biez prysvajeńnia znaka ŭzrostavaj katehoryi.

Pieršyja i apošnija pałosy haziet i vokładka časopisa abo inšaha drukavanaha srodku masavaj infarmacyi nie pavinny źmiaščać infarmacyju, što adnosicca da ŭzrostavaj katehoryi «18+».

Adnosna pradukcyi ŚMI, što raspaŭsiudžvajecca z dapamohaj teleradyjoviaščańnia, zamacoŭvajucca patrabavańni ab vykanańni tak zvanych časavych ramak. Heta značyć zamacoŭvajucca abmiežavańni pieryjadu sutak, na praciahu jakoha dapuskajecca raspaŭsiudžvańnie infarmacyi, što nanosić škodu zdaroŭju i raźvićciu dziciaci, rastłumačyŭ Michaił Žuraŭkoŭ.

Unieści karekciroŭki prapanujecca ŭ zakony ab infarmacyi, infarmatyzacyi i abaronie infarmacyi, a taksama ab vydavieckaj spravie.

Pry hetym, pavodle słoŭ ministra adukacyi, patrabujecca pryniaćcie akta ŭrada, jaki «ŭstanaŭlivaje paradak i kryteryi prysvajeńnia znaka ŭzrostavaj katehoryi». Naprykład, u takim narmatyŭna-pravavym akcie praduhledžvajecca raskryć źmiest uzrostavych katehoryj i paradak adniasieńnia infarmacyjnaj pradukcyi da peŭnaj uzrostavaj katehoryi.

• 0
• 0
• 0
• 0
• 0
• 0
• 0
• 0