Z metaj ekałahičnaj aśviety hramadzian, a taksama prafiłaktyki pryrodaachoŭnych pravaparušeńniaŭ na terytoryi Minska na pastajannaj asnovie budzie pravodzicca šyrokamaštabnaja ekałahičnaja akcyja «Ja parkujusia, jak…», nakiravanaja na niedapuščeńnie stajanki transpartnych srodkaŭ na hazonach.
Jak paviedamlaje ŭpraŭleńnie DAI HUUS Minharvykankama, akcyja pravodzicca Dziaržaŭtainśpiekcyjaj sumiesna z HA «Haražy, aŭtastajanki i parkoŭki», NVPUP «Biełaruskaja asacyjacyja ekśpiertaŭ i siurviejeraŭ na transparcie» pry padtrymcy Minharvykankama i Ministerstva pryrodnych resursaŭ i achovy navakolnaha asiarodździa.
Sistematyčna pravodziacca abśledavańni dvarovych terytoryj. Kali vyjaŭlajucca parušeńni praviłaŭ parkoŭki, vinavatyja pryciahvajucca da administracyjnaj adkaznaści. Kab nie dapuścić parkoŭki na zialonych zonach, u dvarach ustanaŭlivajucca dekaratyŭnyja aharodžy, małyja architekturnyja formy, vysadžvajucca drevy i kusty.
Dziaržaŭtainśpiekcyja nahadvaje, što za parušeńnie praviłaŭ spynieńnia i stajanki transpartnaha srodku praduhledžana administracyjnaja adkaznaść pa art. 18.22 KoAP RB. Štraf składzie ad 1 da 10 bazavych vieličyniaŭ.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary