Jeŭrapiejskija NPZ skaracili zakupki rasijskaj nafty na karyść saudaŭskaj na fonie ŭzmacnieńnia žorstkaści baraćby eksparcioraŭ za dolu na rynku.
Pra heta piša Reuters sa spasyłkaj na krynicy ŭ kołach, źviazanych z handlem enierhanośbitami.
Za apošnija niekalki miesiacaŭ bujnyja naftavyja kampanii, takija jak Exxon, Shell, Total i Eni, pavialičyli zakupki saudaŭskaj nafty dla svaich NPZ u Zachodniaj Jeŭropie i Mižziemnamorji.
«Ja kuplaju ŭsio mienš i mienš rasiejskaj nafty dla maich NPZ u Jeŭropie, tamu što saudaŭskija bareli vyhladajuć pryvabniej. Dla mianie ŭ hetym niama nijakich składanaściaŭ, bo saudaŭskaja nafta prosta tańniejšaja», — raspaviała ahienctvu krynica, źviazanaja z zakupkami ŭ bujnoj naftavaj kampanii.
Dźvie krynicy raspaviali Reuters, što Saudaŭskaja Aravija šukaje składskija mahutnaści ŭ polskim Hdańsku, kab paskoryć pastaŭki ŭschodniejeŭrapiejskich pakupnikam, vykarystoŭvajučy schiemu, jakuju jana ŭžo šmat hadoŭ prymianiaje dla prodažaŭ u Zachodniaj Jeŭropie praz party ŭ Niderłandach i Bielhii.
Pavodle infarmacyi adnaho z trejdaraŭ, z Hdańska možna budzie ažyćciaŭlać pastaŭki ŭ Hiermaniju, kab skłaści kankurencyju rasijskaj nafcie, jakaja idzie pa naftapravodzie «Družba».
«Upieršyniu za mnohija hady jeŭrapiejski rynak vyhladaje cikaviejšym, čym azijacki. Tak što blizkaŭschodnija naftazdabytčyki źbirajucca skarystacca hetaj mahčymaściu», — skazała Reuters vysokapastaŭlenaja krynica ŭ Iraku.
Vydańnie adznačaje, što kankurencyja na jeŭrapiejskim rynku, chutčej za ŭsio, uskładnić dalejšy dyjałoh pamiž Maskvoj i APIEK pa praduchileńni zatavarvańnia suśvietnych rynkaŭ nafty.
Akramia taho, piša ahienctva, kankurencyja, imavierna, abvostrycca ŭ bližejšyja miesiacy, kali Iran, jaki da 2012 hoda zabiaśpiečvaŭ ad 5 da 10% jeŭrapiejskaha impartu nafty, vierniecca na rynak paśla źniaćcia ź jaho sankcyj.
Krynica Reuters u adździele zakupak bujnoj naftavaj kampanii rastłumačyła, što «saŭdzity chočuć zabiaśpiečyć sabie dolu rynku da taho, jak vierniecca Iran».
Rasijski hatunak nafty Urals zastajecca hałoŭnaj syravinaj dla mnohich jeŭrapiejskich NPZ z pryčyny hieahrafičnaj blizkaści i technałahičnaj sumiaščalnaści, zajaviła redaktar Platts pa rynkach nafty ŭ Jeŭropie, na Blizkim Uschodzie i Afrycy Paŭła Van Łaninham.
Na dumku hałoŭnaha redaktara navin tavarnych rynkaŭ Reuters u SND Alaksandra Jaršova, pakul pastaŭki na jeŭrapiejskija rynki z Saudaŭskaj Aravii niaznačnyja, ale kali jany stanuć rehularnymi, to Urals patańnieje adnosna mižnarodnaha markiera Brent.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary