U Minsku da kanca 2017 hoda zakryvajecca ruch pa vulicy Mielnikajte
U Minsku ŭ suviazi z budaŭnictvam treciaj linii mietro ŭvodzicca časovaja zabarona na ruch usich typaŭ transpartu pa vulicy Mielnikajte, paviedamili ŭ pres-słužbie Minharvykankama.
Ruch transpartu pa hetaj vulicy, što ŭ centry horada, zabaraniajecca z 28 kastryčnika 2015 hoda pa 31 śniežnia 2017 hoda.
Jak paviedamlałasia, viadziecca prajektavańnie i budaŭnictva pieršaha ŭčastka treciaj linii mietro, jakaja ŭklučaje siem stancyj. Ciapier iduć budaŭničyja raboty pa pieršym puskavym kompleksie, u skład jakoha ŭvachodziać čatyry stancyi mietrapalitena, inžynierny korpus i budynak absłuhovaha piersanału.
Daŭžynia pieršaha ŭčastka składzie prykładna 4,3 km. Linija projdzie praz centr horada, i budzie pabudavany «transpartny trykutnik» — pierasadačnyja vuzły «Frunzienskaja»/»Jubilejnaja płošča», «Płošča Lenina»/»Vakzalnaja» dadaducca da vuzła «Kupałaŭskaja»/»Kastryčnickaja płošča». Viaducca raboty pa budaŭnictvie dźviuch stancyj mietrapalitena — «Kavalskaja słabada» i «Vakzalnaja», zatym buduć pabudavanyja stancyi «Jubilejnaja» i «Kłary Cetkin» (ci «Płošča Bahuševiča»). Zapłanavanyja terminy ŭvodu — kaniec 2018 — pačatak 2019 hoda.
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj32
Kamientary