Lidar Libierał-demakratyčnaj partyi Małdovy, eks-premjer (2009—2013) Uładzimir Fiłat zatrymany na 72 hadziny, paviedamiła žurnalistam pres-sakratar Nacyjanalnaha centra pa baraćbie z karupcyjaj Anžeła Starynski.
«Fiłat zatrymany na 72 hadziny. Jaho źmiaścili ŭ śledčy izalatar Nacyjanalnaha centra pa baraćbie z karupcyjaj», - skazała Starynski.
Deputaty małdaŭskaha parłamienta ŭ čaćvier prahałasavali za źniaćcie deputackaj niedatykalnaści ź Fiłata, jakoha Hienprakuratura ličyć datyčnym da kradziažu srodkaŭ ź finansava-bankaŭskaj sistemy na sumu kala $ 1 młrd
Pa małdaŭskim zakonach suprać Fiłata vyłučanyja abvinavačvańni «u pasiŭnaj karupcyi ŭ asabliva bujnych pamierach, a taksama ŭ vymańni vyhady z upłyvu z atrymańniem pieravah u asabliva bujnych pamierach». Kali jaho vina budzie dakazanaja, to jon moža atrymać da 15 hadoŭ pazbaŭleńnia voli z pazbaŭleńniem prava zajmać peŭnyja pasady abo zajmacca peŭnaj dziejnaściu na praciahu ad 10 da 15 hadoŭ.
Rašeńnie pazbavić Fiłata deputackaj niedatykalnaści padtrymali 79 z 101 deputata pa patrabavańni prakuratury, jakaja pradstaviła vyniki rasśledavańnia. «Na pradstavili pierakanaŭčyja dokazy datyčnaści Fiłata da kradziažu hrošaj z bankaŭskaj sistemy. Prynamsi, jon spryjaŭ niezakonnamu vyvadu jak minimum $250 młn. Hienprakuror pierakanaŭ deputataŭ u nieabchodnaści prymianieńnia hetaj miery», — raspavioŭ lidar apazicyjnaj Partyi sacyjalistaŭ Ihar Dadon, u jakoha najbujniejšaja frakcyja ŭ parłamiencie, jakaja kantraluje čverć parłamienta.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary