Centrvybarkam Biełarusi udakładniŭ dadzienyja ab vynikach hałasavańnia na vybarach prezidenta krainy, jakija prajšli 11 kastryčnika, skarektavaŭšy jaŭku i raźmierkavańnie hałasoŭ vybarščykaŭ.
Pavodle papiaredniaj infarmacyi CVK, ahučanaj ŭ noč na paniadziełak, Alaksandr Łukašenka vyjhraŭ svaje piatyja vybary z rekordnymi dla siabie 83,49%.
Aktyvistka kampanii «Havary praŭdu» Taćciana Karatkievič nabrała 4,42%, lidar Libierał-demakratyčnaj partyi Siarhiej Hajdukievič — 3,32%, a Mikałaj Ułachovič — 1,67% hałasoŭ. Za varyjant «suprać usich» prahałasavali 6,4% vybarščykaŭ — bolš, čym za sapiernikaŭ Łukašenki. Pryviedzienyja tady CVK vyniki nie ŭklučali vyniki hałasavańnia za miežami Biełarusi, na zamiežnych učastkach. Ahulnaja jaŭka na vybarach skłała 86,75% ad ahulnaj kolkaści vybarščykaŭ.
U adpaviednaści z novymi dadzienymi CVK, pryviedzienymi ŭ čaćvier na jaho aficyjnym sajcie, jaŭka vybarščykaŭ pa krainie skłała 87,22%. Za Łukašenku prahałasavali 83,47% vybarščykaŭ, za Karatkievič — 4,44%, za Hajdukieviča — 3,3%, za Ułachoviča — 1,67%.
Suprać usich kandydataŭ prahałasavali 386 225 vybarščykaŭ, 48 808 biuleteniaŭ byli pryznanyja niesapraŭdnymi.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary