Žychar Viciebska ŭ ludnym miescy sahnaŭ Porsche Cayenne 2011 hoda vypusku, pahražajučy hvałtam jaho ŭładalnicy, paviedamiŭ pieršy namieśnik načalnika Kastryčnickaha RAUS Viciebska Uładzimir Bondaraŭ.
«Paviedamleńnie ab zhonie pastupiła ŭčora ad žycharki horada, indyvidualnaha pradprymalnika 1980 hoda naradžeńnia. Žančyna raspaviała, što kala handlovaha centra «Jeŭropa» nieviadomy mužčyna pieraškadžaŭ prajezdu, pahrozami prymusiŭ jaje vyjści z mašyny. Zbroi ŭ jaho ŭ rukach jana nie bačyła, ale ŭsio roŭna spałochałasia za svajo žyćcio. Strach žančyny ŭzmacniaŭ toj fakt, što litaralna tydzień tamu jana naradziła dzicia», — rastłumačyŭ Uładzimir Bondaraŭ.
U chodzie sumiesnych apieratyŭna-pošukavych mierapryjemstvaŭ z supracoŭnikami Pieršamajskaha RAUS aŭtamabil byŭ nieŭzabavie znojdzieny kala šmatpaviarchoŭki ŭ spalnym rajonie horada. Vyjaŭlenajai asoba zhonščyka, jaki ciapier, pa słovach Uładzimira Bondarava, daje pryznalnyja pakazańni. «Jon rastłumačyŭ, što chacieŭ prysvoić hety aŭtamabil. U zatrymanaha majecca pahašanaja sudzimaść, taksama praviarajecca jaho dačynieńnie da ździajśnieńnia inšych złačynstvaŭ», — dadaŭ milicyjant.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary