Ukraina abranaja niepastajannym siabram Rady Biaśpieki AAN na 2016—2017 hady.
Za takoje rašeńnie prahałasavali 177 krain z 193 siabroŭ Hienasamblei AAN.
Ukraina ŭžo trojčy abirałasia ŭ skład niepastajannych siabroŭ Rady biaśpieki AAN, apošni raz u 2001—2002 hh.
Raniej kiraŭnik MZS Pavieł Klimkin zajaŭlaŭ, što pazicyja Kijeva padčas pracy Rady biaśpieki «dakładna nie budzie prymirenčaja» ŭ dačynieńni da Rasii, jakaja źjaŭlajecca pastajannym siabram hetaha orhana.
«Abrańnie ŭ Radu Biaśpieki źjaŭlajecca asabliva važnym dla nas na fonie rasijskaj ahresii. Upieršyniu my atrymali absalutna unikalnuju situacyju, jakuju nielha było ŭjavić, što pastajanny siabra Rady biaśpieki — heta ahresar, jaki viadzie hibrydnuju vajnu suprać Ukrainy», — skazaŭ Klimkin.
Akramia Ukrainy status niepastajannaha siabra Rady biaśpieki AAN taksama atrymali Japonija, Jehipiet, Sieniehał i Uruhvaj.
Novyja niepastajannyja siabry Rady biaśpieki pačnuć vykonvać svaje abaviazki 1 studzienia 2016, zamianiŭšy saboj Čad, Čyli, Iardaniju, Litvu i Nihieryju.
U Radu Biaśpieki AAN ŭvachodziać 15 krain. Pastajannymi siabrami arhanizacyi źjaŭlajucca tolki piać ź ich: Vialikabrytanija, Kitaj, Rasija (jak pravapierajemnica SSSR), ZŠA i Francyja. Jany taksama majuć prava vieta padčas hałasavańnia.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary