Dobrasumlennym hramadzianam nie varta turbavacca z nahody paraŭnańnia ich vydatkaŭ i dachodaŭ z boku padatkovaj inśpiekcyi, zajaviŭ siońnia žurnalistam ministr pa padatkach i zborach Biełarusi Siarhiej Nalivajka.
«Turbavacca i pieražyvać hramadzianam, jakija majuć aficyjnyja dachody i adpaviednyja vydatki, u pryncypie nie varta», — skazaŭ Nalivajka. Jon dadaŭ, što navat, kali jość raźbiežka pamiž dachodami i raschodami ŭ $200-300 i navat u niekalki tysiač dalaraŭ, to heta nie tyja vypadki, jakija cikaviać padatkavikoŭ.
Ministr taksama padkreśliŭ, što ŭ Biełarusi paraŭnoŭvajuć dachody i vydatki ŭsich hramadzian. «Inšaja sprava, što jość peŭnyja katehoryi padvyšanaj ryzyki, jak my ich nazyvajem», — dadaŭ kiraŭnik padatkovaha viedamstva. Jon adznačyŭ, što havorka, u pryvatnaści, idzie pra tych, chto maje mizerny prybytak, ale vydatkoŭvaje značnyja sumy, rehistruje na svajo imia abjekt nieruchomaści abo aŭtamabil.
«Jość šerah prykładaŭ, vielmi jarkich, kali studenty, nie majučy krynic dachodaŭ, kuplajuć sotni tysiač, a to i miljony dalaraŭ. Voś hetaja katehoryja i składaje zonu ryzyki. Usie astatnija hramadzianie mohuć prosta nie turbavacca», — rastłumačyŭ Siarhiej Nalivajka.
Ciapier čytajuć
Jakaja łohika sudoŭ za Hajun? Mužčyna, jakoha zatrymlivali pa hetaj spravie, apisaŭ ubačanaje19
Kamientary