Asnoŭnaja tema pracaŭ rasiejskaha mastaka Andreja Budajeva — uschvaleńnie rasiejskaj ułady i vyśmiejvańnie zachodnich lideraŭ. Ale časam na jahonych kalendarach možna pabačyć i kiraŭnika Biełarusi.
Rasiejski mastak Andrej Budajeŭ z 2009 hodu vydaje kalendary-kalažy na palityčnyja temy. Sam mastak, jak śćviardžajecca na jahonym sajcie, siabra rasiejskaha i maskoŭskaha Sajuzaŭ mastakoŭ, zajmajecca palityčnym plakatam z 1995 hodu. Jak śćviardžajuć błohiery i karystalniki sacsietak, u Rasiei kalendary jość u adkrytym prodažy.
Časam na kalendarach źjaŭlajecca i Alaksandar Łukašenka: to siarod pieramožcaŭ nacyzmu (razam z Pucinym i Ziuhanavym, liderami azijackich krain, niepryznanych «DNR» i «ŁNR», a taksama kubincam Fidelem Kastra), to za śpinaj Pucina razam z małodšym synam Mikałajem (čamuści z padstupnaj uśmieškaj), to ŭ šerahu dyktataraŭ (pałova ź jakich siońnia ŭžo niabožčyki).
U asnoŭnym ža na kalendarach možna pabačyć rasiejskich palitykaŭ i aliharchaŭ u vieličnych vobrazach hierojaŭ, baraćbitoŭ abo caroŭ, a ŭ źniavažlivym vyhladzie — rasiejskich apazycyjnych dziejačaŭ i žurnalistaŭ, zachodnich lideraŭ. Na baku pieršych — prychilniki «DNR» i «ŁNR», siarod druhich — ukraincy i hruziny.
Svaboda pasprabavała źviazacca z aŭtaram plakataŭ. Pradstaŭnik mastaka Michaił paabiacaŭ, što pieradaść Budajevu prapanovu ab interviju, a taksama karotka prakamentavaŭ jahonyja pracy:
«Hetyja pracy — palityčnyja kalendary, byłyja ahitplakaty. Čamu b tam Łukašenka nia ŭ temu? Usio ŭ temu jakraz. Jość i ŭnutranyja kalendary, jość kalendary i raboty, pryśviečanyja padziejam z usiaho śvietu».
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary