Pa vynikach čaćviortaj chvali daśledavańnia intehracyjnych pieravah u krainach SND ekśpierty kažuć ab dalejšym umacavańni «intehracyjnaha jadra» JEAES: u Kazachstanie, Rasii i Kyrhyzstanie ŭzrovień uchvaleńnia JEAES zafiksavany na ŭzroŭni 78-86% nasielnictva. A voś nasielnictva Biełarusi prykmietna straciła cikavaść da jeŭrazijskaj intehracyi za apošni hod.
Takija vyniki štohadovaha daśledavańnia Centra intehracyjnych daśledavańniaŭ Jeŭrazijskaha banka raźvićcia «Intehracyjny baromietr».
eaeunion.org
Pavodle apytańnia 2015 hoda, uzrovień padtrymki ŭdziełu ŭ JEAES z boku nasielnictva Rasii i Kazachstana składaje 78% i 80% adpaviedna. U toj ža čas hramadzianie Armienii i Biełarusi dajuć bolš nizkija acenki ŭdziełu ŭ JEAES (56% i 60%, adpaviedna, što na 8 pracentnych punktaŭ nižej, čym ŭ 2014 hodzie).
U Kyrhyzstanie fiksujecca samy vysoki siarod krain — členaŭ JEAES uzrovień hramadskaj padtrymki jeŭrazijskaj intehracyi (86%).
Siarod krain, jakija pakul nie źjaŭlajucca členami JEAES, najbolš vysokija pakazčyki hramadskaj padtrymki pierśpiektyŭ ustupleńnia ŭ abjadnańnie charakternyja dla Tadžykistana (72%).
U Małdovie ŭ 2015 hodzie vyjaŭleny niekatory rost doli hramadzian, jakija žadajuć bačyć svaju krainu ŭ JEAES — 53% (suprać 49% u 2014), a taksama niaznačnaje skaračeńnie doli tych, chto nie bačyć karyści dla svajoj krainy ŭ takim raźvićci padziej abo abyjakavy da dadzienaj temie.
Va Ukrainie hramadskaja padtrymka pierśpiektyŭ ŭstupleńnia ŭ JEAES skaraciłasia da 19% (u 2014 — 31%), pry hetym 60% — suprać. U Hruzii dola tych, chto padtrymlivajuć hipatetyčnaje ŭstupleńnie ŭ JEAES źniziłasia za hod da 41% (u 2014 — 52%).
U ramkach apytańnia 2015 hoda nasielnictvu Armienii, Biełarusi, Kazachstana i Rasii zadavałasia pytańnie ab staŭleńni da stvareńnia niekatorych ahulnych instytutaŭ u ramkach JEAES: adzinaj valuty, ahulnych zakonaŭ, ahulnaj armii i ahulnaha orhana kiravańnia. Va ŭsich čatyroch krainach — členach JEAES adsutničaje adzinaja pazicyja hramadzian pa hetych pytańniach. U jakaści vyklučeńnia možna pakazać Armieniju, dzie 55% hramadzian vystupili za adzinuju valutu. Inšym vyklučeńniem źjaŭlajecca staŭleńnie da ahulnaj armii ŭ Biełarusi i Rasii, dzie bolšaść nasielnictva vykazałasia suprać — 57% i 53% adpaviedna.
Što tyčycca vybaru respandentami tych ci inšych dziaržaŭ — krynic zamiežnaha kapitału, to krainy rehijonu SND, Jeŭrasajuz i hrupa krain «astatniaha śvietu» u siarednim byli zhadanyja prykładna ŭ roŭnych dolach — 43% respandentaŭ, 43% i 47% adpaviedna.
Asablivaj papularnaściu ŭ jakaści krynicy zamiežnaha kapitału Rasija karystajecca ŭ Tadžykistanie, dzie jana była adznačana amal 70% žycharoŭ, i Kyrhyzstanie (59%). Svajo stanovišča Rasija taksama ŭmacavała ŭ Armienii, Biełarusi i Kazachstanie, dzie nazirajecca słabaja, ale stanoŭčaja dynamika.
U toj ža čas va Ukrainie za biahučy hod adbyŭsia istotny spad pryvabnaści Rasii ŭ jakaści krynicy zamiežnaha kapitału: upieršyniu za 4 hady hety pakazčyk apuściŭsia da 9% (u 2013 i 2014 hadach hety pakazčyk składaŭ 27% i 21% adpaviedna).
U Rasii pieravažajuć aryjentacyi na zamiežnych inviestaraŭ i prytok kapitału z krain dalokaha zamiežža, u asablivaści papularnyja Kitaj (32%) i Japonija (18%). Prytoku inviestycyj z Kitaja addaje pieravahu taksama paradku traciny žycharoŭ Biełarusi (37%).
U miežach postsavieckaj prastory z punktu hledžańnia pryvabnaści pracy lidaram zastajecca Rasija. Asablivaj papularnaściu jana karystajecca siarod žycharoŭ Tadžykistana, u jakim u paraŭnańni z 2014 hodam hety pakazčyk vyras z 42% da 53%, i nasielnictva Kyrhyzstana, dzie ab žadańni atrymać časovuju pracu ŭ Rasii zajavili 38% respandentaŭ. Najmienšy ŭzrovień žadajučych papracavać u Rasii zafiksavany va Ukrainie, Hruzii i Biełarusi.
Daśledavańnie pravodzicca Centram intehracyjnych daśledavańniaŭ Jeŭrazijskaha banka raźvićcia (CID JEABR) z 2012 hoda ŭ partniorstvie ź Mižnarodnym daśledčym ahienctvam «Jeŭrazijski manitor». U 2015 hodzie ŭdzieł u apytańni pryniali bolš za 11 tysiač hramadzian u dzieviaci krainach rehijonu SND: Armienii, Biełarusi, Hruzii, Kazachstanie, Kyrhyzstanie, Małdovie, Rasii, Tadžykistanie i Ukrainie.
