Dobraachvotna i praz kasu. Ministerstva adukacyi vykazałasia pra školnyja pabory
Ministerstva adukacyi rasstaviła kropki nad «i» ŭ prablemie školnych paboraŭ. Na sajcie viedamstva źjaviłasia infarmacyja, dzie havorycca, što baćki mohuć skidacca na patreby navučalnaj ustanovy svajho dziciaci, ale tolki na dobraachvotnaj asnovie.
Pryčym zdavać hrošy najaŭnymi nielha — srodki nieabchodna pieravodzić na śpiecyjalny raźlikovy rachunak.
Rašeńnie pra toje, ci patrebnyja škole dadatkovyja srodki na ŭmacavańnie materyjalna-techničnaj bazy abo palapšeńnie adukacyjnaha pracesu, prymaje apiakunskaja rada navučalnaj ustanovy. Jana i kantraluje, ci pravilna byli vydatkavanyja sabranyja hrošy.
Dapamahać škole mohuć nie tolki baćki, ale i hramadskija abjadnańni, pradstaŭniki biźniesu, dziaržpradpryjemstvaŭ i inšyja žadajučyja.
«Ministerstva adukacyi ŭ adpaviednym liście va ŭpraŭleńni adukacyi abłvykankamaŭ, kamitet pa adukacyi Minharvykankama asabliva źviarnuła ŭvahu na niedapuščalnaść vykanańnia funkcyj apiakunskaj rady členami baćkoŭskaha kamiteta», — dadajuć u Minadukacyi.
Apiakunskaja rada źjaŭlajecca orhanam samakiravańnia ŭstanovy adukacyi. Meta — dapamahać škole ŭ pracy i raźvićci. U jaje skład mohuć uvachodzić baćki vučniaŭ, piedahahičnyja rabotniki, pradstaŭniki hramadskich abjadnańniaŭ i arhanizacyj, a taksama inšyja asoby.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym5
Kamientary