Papularny va ŭsim śviecie servis anłajn-handlu kitajskaj kampanii Alibaba Group zapuskaje prodaž tavaraŭ rasijskaj vytvorčaści. Rasijskija pastaŭščyki zmohuć pradavać tavary na placoŭcy Aliexpress z 11 listapada, u dzień Suśvietnaha fiestyvalu šopinhu, paviedamlajuć infarmahienctvy.
Tavary z Rasii buduć pradstaŭlenyja na novym prajekcie «Aliexpress Moł». Adznačajecca, što ceny na tavary ad rasijskich vytvorcaŭ buduć vystaŭlenyja ŭ rasijskich rublach.
Dyrektar pa raźvićci biznesu Aliexpress ŭ Rasii i SND Mark Zavadski kaža, što ŭ kampanii ŭžo daŭno abmiarkoŭvali i testavali miechanizm pa zapusku rasijskich pradaŭcoŭ na placoŭcy Aliexpress. Jon ličyć, što novy prajekt «Aliexpress Moł» zabiaśpiečyć dostup da vielizarnaj aŭdytoryi pakupnikoŭ Aliexpress ŭ Rasii.
Pry hetym, pavodle jaho słoŭ, umovy pracy na Aliexpress dla rasijskich kram nie adroźnivajucca ad kitajskich. Zhodna z praviłami Aliexpress, pradaŭcy płaciać anłajn-placoŭcy kamisiju ŭ pamiery 5% ad koštu zamovy.
Kamientary