Siemdziesiat čatyry kubamietry lesu niezakonna vysiečanyja kala vioski Makrany Hłuskaha rajona.
Pavodle źviestak Dziaržaŭnaj inśpiekcyi achovy žyviolnaha i raślinnaha śvietu, usiaho čornyja lesaruby vysiekli 196 dreŭ. Ahulny ŭron skłaŭ bolš za 45 młn. rubloŭ. Siarod źniščanych dreŭ — kaštoŭnyja parody: biaroza, hrab, alešyna, dub, jasień, asina.
Niezakonnyja vysiečki vyjavili pryblizna tydzień tamu supracoŭniki Asipovickaj mižrajonnaj inśpiekcyi achovy žyviolnaha i raślinnaha śvietu.
Raspačataja sprava na padstavie č. 1 art. 277 Kryminalnaha kodeksa (niezakonnaja vysiečka dreŭ i chmyźniaku, što paciahnuła ŭron u bujnym pamiery), rasśledavańniem jakoj zajmajecca Hłuski adździeł Śledčaha kamiteta.
Užo ŭstanoŭleny adzin z mahčymych udzielnikaŭ niezakonnaj vysiečki lesu — miascovy žychar, na terytoryi domavałodańnia jakoha znojdzienyja častka vysiečanych dreŭ, paviedamiła aficyjny pradstaŭnik USK pa Mahiloŭskaj vobłaści Aksana Salaniuk. Adnak pakul zastajecca nieviadoma, chto jašče niezakonna vysiakaŭ les u Hłuskim rajonie i jak doŭha heta praciahvałasia.
Kamientary