Kvitki na kinasieansy fiestyvalu «Listapad-2015» možna budzie nabyć z pačatku nastupnaha tydnia, paviedamiŭ siońnia na pres-kanfierencyi ŭ Minsku hienieralny dyrektar UP «Kinavideaprakat» Minharvykankama Vasil Koktyš.
Cikavaść da kinaprahramy fiestyvalu «Listapad» z boku hledačoŭ vielmi vysokaja i raście pastajanna, adznačyŭ Vasil Koktyš. Hladač vielmi zacikaŭleny, i vidavočna cikavaść da prahramy fiestyvalu, jakaja pradstaŭlaje panaramu sučasnaha kino.
Placoŭkami kinafiestyvalu stanuć kinateatry «Maskva», «Centralny», «Pieramoha», «Pijanier». Cyrymonija adkryćcia i zakryćcia projdzie ŭ kinateatry «Maskva». Na cyrymoniju adkryćcia košt kvitka składzie Br80 tys. Dla hledačoŭ budzie prapanavana 300 kvitkoŭ. Košt kvitka zakryćcia taksama składzie Br80 tys.
Vasil Koktyš adznačyŭ, što ceny kvitkoŭ na filmy «Listapada» demakratyčnyja. Adnak košt adroźnivajecca na dzionnyja i viačernija sieansy. Tak, u kinateatry «Maskva» kvitki buduć kaštavać na dzionny sieans Br30 tys., na viačerni i ŭ vychadnyja dni — Br50 tys. U «Centralnym» — ranišni sieans acenieny Br15 tys., dzionny — Br30 tys., viačerni, a taksama ŭ vychadnyja i śviatočnyja dni — Br45 tys., kvitki na načny sieans abyducca hledačam Br55 tys. U kinateatry «Pieramoha», usie filmy možna budzie ŭbačyć, zapłaciŭšy Br20 tys. U «Miry» taki ž košt na viačernija sieansy, vychadnyja i śviatočnyja dni. Dzionny prahlad filma abydziecca Br15 tys. U kinateatry «Pijanier» košt kvitka na dziciačyja kinasieansy składzie Br11 tys. 500, na pakaz prahramnaha filma - Br20 tys.
XXII Minski mižnarodny kinafiestyval «Listapad» projdzie z 6 pa 13 listapada ŭ Minsku. Arhanizatar hałoŭnaj kinapadziei hoda — Centr vizualnych i vykanalnickich mastactvaŭ «ART Karparejšn». Zasnavalniki — Ministerstva kultury Biełarusi, Minski haradski vykanaŭčy kamitet pry ŭdziele Biełteleradyjokampanii, Nacyjanalnaj kinastudyi «Biełaruśfilm», Biełaruskaha sajuza kiniematahrafistaŭ.
Kamientary