U niekatorych aŭtobusach Minska i abłasnych centraŭ da kanca hoda budzie biaspłatny Wi-Fi
U niekatorych aŭtobusach haradskich maršrutaŭ Minska i abłasnych centraŭ pačali davać biaspłatny Wi-Fi-dostup u internet. Heta zroblena ŭ miežach prajekta Snickers Wi-Fi, techničnym partnioram jakoha vystupiŭ mabilny apieratar life:).
Jak paviedamiła pres-słužba apieratara, prajekt startavaŭ u Hrodnie, dzie źjavilisia pieršyja dva takija aŭtobusy. U Minsku siońnia ź biaspłatnym Wi-Fi kursujuć 10 maršrutnych taksi, a ŭ kožnym z abłasnych centraŭ — pa dva pasažyrskija aŭtobusy.
Paznać transpart z Wi-Fi lohka — ukazańnie ab tym, što ŭ im možna karystacca biaspłatnym biespravadnym internetam, jość na kuzavie. U sałonie raźmieščanaja infarmacyja ab prachodžańni aŭtaryzacyi dla karystańnia internet-pasłuhami. Praciahłaść adnoj siesii — 60 chvilin. Kali treba i dalej karystacca internetam, to aŭtaryzacyju treba prajści jašče raz.
Prajekt budzie realizoŭvacca da kanca 2015 hoda. Najbližejšym časam punkty Wi-Fi ź biaspłatnym internet-dostupam źjaviacca jašče ŭ niekalkich aŭtobusach abłasnych centraŭ. Takim čynam, hetym prajektam u cełym buduć achopleny try dziasiatki maršrutaŭ, udakładnili ŭ life:).
Kamientary