U Biełarusi stvarajecca respublikanski vodna-bałotny zakaźnik «Bieły Moch». Takoje rašeńnie źmieščana ŭ pastanovie Savieta Ministraŭ numar 883 ad 21 kastryčnika 2015 hoda, paviedamili ŭ pres-słužbie biełaruskaha ŭrada.
Zakaźnik «Bieły Moch» ahulnaj płoščaj 887,55 ha raźmieścicca ŭ Astravieckim rajonie Hrodzienskaj vobłaści. Jaho stvarajuć dla zachavańnia ŭ naturalnym stanie kaštoŭnych lesa-bałotnych ekałahičnych sistem, dzikarosłych raślin i dzikich žyvioł, jakija adnosiacca da vidaŭ, uklučanych u Čyrvonuju knihu Biełarusi, a taksama miesc ich rostu i pražyvańnia.
Na terytoryi zakaźnika zabaraniajecca pravodzić raboty pa hidratechničnaj mielijaracyi i źmianieńni hidrałahičnaha režymu, raźviedcy i raspracoŭcy radoviščaŭ karysnych vykapniaŭ, raźmiaščać adchody (za vyklučeńniem časovaha zachoŭvańnia ŭ sankcyjanavanych miescach), źniščać abo paškodžvać draŭninna-chmyźniakovuju raślinnaść, vypalvać suchuju travu. Pastanovaj taksama zamacavany inšyja zabarony, jakija datyčacca praviadzieńnia roznych rabot (u tym liku budaŭničych) u zakaźniku.
Režym achovy i vykarystańnia zakaźnika «Bieły Moch» uličvajecca pry raspracoŭcy prajektaŭ i schiem ziemleŭparadkavańnia, lesaŭparadkavańnia i mielijaracyi ziamiel, horadabudaŭničych prajektaŭ i prahram sacyjalna-ekanamičnaha raźvićcia Astravieckaha rajona.
Zakaźnik abjaŭleny biez kanfiskacyi ŭ karystalnikaŭ ziamielnych učastkaŭ. Ziemlekarystalniki abaviazany vykonvać režym jaho achovy i vykarystańnia.
Astravieckamu rajvykankamu daručana na praciahu šaści miesiacaŭ zarehistravać zakaźnik i ŭstanavić na jaho miežach śpiecyjalnyja infarmacyjnyja znaki. Pastanova ŭstupaje ŭ siłu paśla jaje aficyjnaha apublikavańnia.
Babaryka try chviliny adkazvaŭ na pytańnie, čyj Krym. Tak i nie adkazaŭ89
Kamientary