Były supracoŭnik MZS Biełarusi Valer Kavaleŭski vykłaŭ u fejsbuk niekalki asabistych uražańniaŭ ad publičnaha mierapryjemstva Karatkievič i Dźmitryjeva ŭ Vašynhtonie.
«1. Pryjezd u Vašynhton im arhanizavaŭ Nacyjanalny demakratyčny instytut.
2. Karatkievič pramaŭlała pa-rusku, Dźmitryjeŭ pierakładaŭ na anhlijskuju. Pry hetym časta jaho pierakład vychodziŭ za miežy taho, što kazała Karatkievič.
3. Na mierapryjemstvie ŭ Centry Vilsana prysutničała zusim niašmat ludziej. U zale na čałaviek 90 sabrałasia 27 słuchačoŭ.
4. Dźmitryjevu rezka nie spadabałasia pytańnie pra krynicy finansavańnia. U adkaz jon paraiŭ nie zajmacca teoryjami zmovy. Pytańni za pačatkovy pieryjad dziejnaści HP jon paraiŭ adrasavać Niaklajevu.
5. Vystupała Karatkievič ŭpeŭniena, časta havaryła pra siabie ŭ treciaj asobie.
6. Paličyła svaim dasiahnieńniem uvahu Łukašenki da prablemy rasijskaj vajskovaj bazy. Nastojvała na tym, što ŭ kampanii nie dystancyjavałasia ad apazicyi, a naadvarot — złučyła siły ŭsioj apazicyi.
7. Jana biez vahańniaŭ abvierhła svaje ŭłasnyja nieadnarazovyja zajavy pra hatoŭnaść pracavać va ŭradzie.
8. Epizod z kamientaram kiraŭnika biełaruskaj ambasady Paŭła Šydłoŭskaha vyhladaŭ hrateskna, pry tym što sam jon trymaŭsia niejak prynižana. Praŭstaŭnik ułady, što litaralna abakrała Karatkievič na vybarach, chvaliŭ jaje za takt i hodnaść — faktyčna, za jaje hatoŭnaść «nie fakusavacca na aficyjnych vynikach» — paśla čaho achviara i jaje kiraŭnik paradavalisia acency i padziakavali ŭładzie, jakaja ich abakrała i padmanuła ich vybarcaŭ».
