Sprava fanataŭ z «Pahoniaj»: milicyja nie zmahła apublikavać dokazy niecenzurščyny

Hety skandał zdaryŭsia na roŭnym miescy 12 kastryčnika padčas futbolnaj hulni Biełaruś-Makiedonija. AMAPaŭcy zatrymali niekalkich zaŭziataraŭ, u jakich na vopratcy była vyjava histaryčnaha hierba «Pahonia». Nazaŭtra traim asobam dali pa 1,8 miljona štrafu za «niecenzurnuju łajanku» i «niepadparadkavańnie słužbovaj asobie».

Pavialičyć

A 15 kastryčnika ŭ ścienach Pałaty pradstaŭnikoŭ ministr unutranych spraŭ Ihar Šunievič paabiacaŭ Jeŭraradyjo apublikavać dokazy taho, što zatrymanyja sapraŭdy parušali zakon:

«U hetaj situacyi z futbolnymi fanatami niekalki razoŭ im zrabili zaŭvahu za niecenzurščynu. Jany nie reahavali, znachodzilisia ŭ stanie ałkaholnaha apjanieńnia. Jość i videazapisy, i pakazańni śviedak, jakija heta paćviardžajuć. Kali nieabchodnyja buduć niejkija paćviardžalnyja dakumienty, my ich apublikujem».

Jeŭraradyjo dasłała ŭ MUS aficyjny zapyt z prośbaj pradastavić zajaŭlenyja dokazy, bo tema šmat abmiarkoŭvajecca hramadstvam. U dakumiencie miełasia spasyłka na abiacańnie ministra. Milicyi prapanoŭvałasia ci naŭprost pieradać Jeŭraradyjo dokazy, ci paviedamić datu ich publikacyi na sajcie viedamstva.

U adkazie, jaki padpisaŭ načalnik upraŭleńnia infarmacyi i hramadskich suviaziaŭ MUS Kanstancin Šalkievič, ničoha nie skazana pa sutnaści:

«Infarmujem, što ŭsie nieabchodnyja śviedčańni, jakija tyčacca administracyjnaha pravaparušeńnia, nakiravanyja orhanami ŭnutranych spraŭ u sud Barysaŭskaha rajona Minskaj vobłaści, dzie byli razhledžanyja ŭ adpaviednym paradku».

Ale abiacańnie ministra było ŭžo paśla suda!

Źviazvajemsia z 45-hadovym Vitalom Budźko, adnym z zatrymanych na «Barysaŭ-Arenie». Padčas suda nad im milicyja ŭ jakaści dokazu sapraŭdy pradastaŭlała videazapis.

«Videa pačynałasia z taho, jak ja razmaŭlaju z aficeram AMAP i niekim u štackim. Nijakaha huku niama. Xutčej za ŭsio, kamiera znachodziłasia daloka naviersie. Davoli dobra bačna, jak my spračajemsia. Ja pakazvaju milicyjanieru šalik z «Pahoniaj». A potym dastaju pašpart. Paśla siadaju na kresła. Šarahovyja AMAPaŭcy biaruć mianie pad ruki i vyvodziać ź siektara. Voś usio, što jość na hetym videa», — Budźko apisvaje dla Jeŭraradyjo tak zvany videadokaz.

Za što vas zatrymali i čamu vy nie padparadkoŭvalisia AMAPaŭcam?

Vital Budźko: Skazali, kab ja išoŭ ź imi dla vyśviatleńnia asoby. Ja adrazu ž dastaŭ pašpart: «Vyśviatlajcie». Potym mnie znoŭ skazali ź imi prajści. Padstavaŭ pry hetym nijakich nie nazyvałasia. U mianie spytalisia: «Vy nie padparadkoŭvajeciesia?» Adkazvaju: «Tak, tamu što vy dziejničajecie biespadstaŭna».

Darečy, na sud u jakaści śviedak nie zaprasili nikoha ź inšych zaŭziataraŭ, jakija niepasredna bačyli incydent na trybunie «Barysaŭ-Areny». Suprać zatrymanych fanataŭ śviedčyŭ tolki zacikaŭleny bok —sami AMAPaŭcy. Jany kazali, što atrymali skarhu ad hramadzian nakont brudnaj łajanki na trybunach. Siarod tysiač inšych zaŭziataraŭ byli vyjaŭlenyja pravaparušalniki — taja samyja chłopcy z «Pahoniaj». Im vietliva zrabili zaŭvahu, ale na heta zaŭziatary nie adreahavali. Kali pravaparušalnikaŭ pačali zatrymlivać, tyja nie padparadkoŭvalisia.

U sudzie hetyja śviedčańni paličyli dastatkovymi.

«U maim vypadku ŭvohule nie było nijakaha videa. AMAPaŭcy błytalisia ŭ śviedčańniach, nie mahli jasna skazać, kali ja vykrykvaŭ maciernyja vykazvańni: padčas matču ci ŭ pierapynku, źnizu ci źvierchu. Hetyja pavodziny tłumačylisia tym, što ŭ AMAPaŭcaŭ byŭ ciažki pieradvybarčy tydzień», — raspaviadaje Źmicier Chviedaruk, jašče adzin asudžany zaŭziatar z «Pahoniaj».

Dyk vy łajalisia matam? Moža, kulnuli čarku pierad hulnioj?

Źmicier Chviedaruk: Ja pa žyćci ŭvohule nie łajusia i rezka reahuju, kali čuju takija słovy. Navat kali śpiavajuć pieśniu pra Pucina, ustrymlivajusia ad takich słovaŭ.

Užo kala vaśmi hadoŭ nie ŭžyvaju ałkahol, bo adnošusia da jevanhielskaj supolnaści. Zrazumieła, nijakich abśledavańniaŭ na najaŭnaść ałkaholu ŭ kryvi ŭ dačynieńni da nas nie praviali.

Nahadajem, ministr unutranych spraŭ Ihar Šunievič udakładniaŭ, što zatrymlivać hramadzian za «Pahoniu» milicyja nie maje prava. A ludziej «pakujuć» za antyhramadskija pavodziny: drobnaje chulihanstva i niecenzurnuju łajanku.

• 0
• 0
• 0
• 0
• 0