27 kastryčnika na YouTube-kanale nacparka źjaviŭsia film «Biełaviežskaja pušča. Pieršarodny les», źniaty žurnalistami Animal Planet (Europe) Discovery.
«Heta zapaviednik Biełaviežskaja pušča ŭ Biełarusi. Staražytny les, jaki znachodzicca pad abaronaj dziakujučy svaim vielizarnym pamieram, ciažkadastupnaści i biaźmiežnaj vieličy. Heta kapsuła času dla mnohich žyvioł. Jany zachavalisia tut u toj čas, jak astatnija pieršabytnyja ekasistemy płaniety byli razburany čałaviekam. Zapaviednik dazvoliŭ vyžyć mnohim vidam, jakija praktyčna vymierli ŭ inšych rehijonach Ziamli», — paviedamlaje dyktar ŭ samym pačatku filma.
Praciahłaść videa - 45 chvilin. Za hety čas hladač zmoža atrymać asałodu ad malaŭničych krajavidaŭ, unikalnych kadraŭ dzikich žyvioł, a taksama bolš padrabiazna paznajomicca z bahaćciem fłory i fauny nacyjanalnaha parku. Tvorčaja hrupa zdymała materyjał u červieni-lipieni 2015 hoda.
Suśvietnaja premjera filma adbyłasia 27 vieraśnia. Film ahučany na šaści movach (anhlijskaj, bałharskaj, polskaj, rumynskaj, ruskaj i češskaj).
