Alaksandr Łukašenka ličyć niedapuščalnym brać miždziaržaŭnyja kredyty pad 7-8% i patrabuje minimizavać pracenty pa pryciahnutych źniešnich pazykach. Ab hetym kiraŭnik dziaržavy zajaviŭ siońnia, prymajučy z dakładam ministra finansaŭ Uładzimira Amaryna.
Kiraŭnik dziaržavy źviarnuŭ uvahu na nieabchodnaść nienaroščvańnia źniešniaha dziarždoŭhu, zapatrabavaŭ jaho aptymizacyi. Havorka ŭ pryvatnaści idzie ab minimizacyi pracentaŭ pa pryciahnutych źniešnich pazykach, u pieršuju čarhu heta tyčycca zapazyčańniaŭ nastupnaha hoda. Aptymizacyja, u svaju čarhu, jak išła razmova ŭ čas dakładu, pavinna być nakiravana na pošuk unutranych krynic dla vykanańnia abaviazacielstvaŭ — heta dachody biudžetu, unutrany finansavy rynak.
Kiraŭnik dziaržavy cikaviŭsia abjomami dziarždoŭhu, jakija składvajucca siońnia, i pierśpiektyvami pahašeńnia. Alaksandr Łukašenka zrabiŭ akcent na nastupnym hodzie, bo ŭ hetym situacyja, pavodle jaho słoŭ, prahladajecca. «Dumaju, što i ŭ budučyni trochi navat lahčej budzie», — miarkuje jon.
Što tyčycca kredytaŭ, to kiraŭnik dziaržavy adznačyŭ, što ŭ apošni čas jamu prapanoŭvajuć ŭzhadnić toj ci inšy miždziaržaŭny kredyt pad 7-8%. Alaksandr Łukašenka padkreśliŭ, što taki kredyt, na pahašeńnie jakoha pryjdziecca tracić zołatavalutnyja reziervy, niedapuščalny dla dziaržavy, tamu dakumienty z takimi prapanovami adrazu adpraŭlajucca nazad.
«Kali heta kamiercyjny kredyt — inšaja sprava, 7-8% heta narmalna. Ale brać zołatavalutnyja reziervy, takija hrošy darahija, ja liču nieprymalnym», — skazaŭ jon.
