Vypadak zdaryŭsia 9 listapada ŭ 16:20 u domie na vulicy Hohala ŭ mikrarajonie «Zachodni».
Jak paviedamiła aficyjny pradstaŭnik Śledčaha kamiteta RB pa Mahiloŭskaj vobłaści Aksana Salaniuk, maleńkaja babrujčanka razam z mamaj viartałasia dadomu. Pa darozie žančyna vyrašyła zajści ŭ kramu, a dačcy ŭručyła klučy i adpraviła dadomu. Dziaŭčynka zajšła ŭ kvateru, začyniła dźviery, ale adkryć ich, kab sustreć mamu, nie zmahła.
«Vyśvietliłasia, što ŭ dźviarach zachras kilimok. Heta paćvierdziŭ i starejšy brat dziaŭčynki, jaki ŭ hety čas viarnuŭsia dadomu i taksama nie zmoh trapić u kvateru», — adznačyła Aksana Salaniuk.
Pavodle jaje słoŭ, Kryścina spałochałasia i vyrašyła papiaredzić mamu ab tym, što zdaryłasia, adkryła akno, kab kryknuć, i, miarkujučy pa ŭsim, nie ŭtrymałasia na padvakońniku. Užo praź niekolko siekund dzicia apynułasia na zialonym hazonie.
Ź miesca padzieńnia dziaŭčynka była apieratyŭna dastaŭlena ŭ reanimacyju Babrujskaj centralnaj balnicy.
Jak paviedamiła namieśnik hałoŭnaha doktara BCB Natalla Kušniarova, u paciarpiełaj dyjahnastavana mnostva traŭmaŭ. «Dziaŭčynka znachodzicca ŭ śviadomaści, adnak jaje stan my aceńvajem jak stabilna ciažki», — padkreśliła Natalla Ivanaŭna.
Abstaviny zdareńnia vyśviatlajucca.
Heta ŭžo druhi niaščasny vypadak ź niepaŭnaletnimi za apošni miesiac u Babrujsku. 19 kastryčnika ŭ vańnie patanuła dzieviacimiesiačnaje dzicia, pakinutaje nienadoŭha biez nahladu.
U zahinułaj u Ślapiancy dziaŭčynie apaznali Janu Kastrankovu2
Kamientary