Puchavickim rajonnym adździełam Śledčaha kamiteta rasśledujecca kryminalnaja sprava ŭ dačynieńni da navučenki adnaho ź minskich kaledžaŭ, jakaja padazrajecca ŭ machlarstvie ŭ internecie.
Jaje paviedamiła aficyjny pradstaŭnik upraŭleńnia SK pa Minskaj vobłaści Taćciana Biełanoh, kryminalnaja sprava raspačata pa zajavach hramadzian, jakija, zakazaŭšy sabie adzieńnie ŭ adnoj z hrup sacyjalnaj sietki i pieraličyŭšy hrošy ŭ jakaści pieradapłaty, tavar tak i nie atrymali, hrošy taksama im nie viernutyja.
U chodzie papiaredniaha rasśledavańnia ŭstanoŭlena, što paciarpiełyja stali achviarami machlarskich dziejańniaŭ žycharki Puchavickaha rajona 1997 hoda naradžeńnia. Ź vieraśnia 2014 hoda pa lipień 2015 hoda dziaŭčyna raźmiaščała ŭ sacyjalnych sietkach abjavy ab prodažy rečaŭ. U prapanavanym asartymiencie ŭ asnoŭnym byli žanočyja sukienki, abutak, dziciačaje adzieńnie. Pakupnikoŭ jana prasiła zrabić 100-pracentnuju pieradapłatu na svaju bankaŭskuju kartu abo paštovym pieravodam. Abiacała adpravić pakupku pa nazvanym adrasie. Atrymaŭšy hrošy, padazronaja svaje abaviazacielstvy nie vykonvała, a paviedamlała ab roznych pryčynach zatrymki tavaru.
Takim čynam dziaŭčyna ašukała kala 30 čałaviek, jakija žyvuć u roznych rehijonach vobłaści. Paciarpiełyja pieraličyli za nibyta nabytuju pakupku roznyja hrašovyja sumy — ad 200 tys. da 2 młn. rubloŭ.
U miežach spravy, raspačataj pa č. 2 art. 209 KK (machlarstva, učynienaje paŭtorna), ustanaŭlivajecca ŭsio koła paciarpiełych i pamier pryčynienaha ŭronu. Śledstvam vyvučajecca kanfiskavanaja kampjutarnaja technika, pryznačany daśledavańni, u tym liku kampjutarna-techničnaja ekśpiertyza.
Kamientary