Paŭtornyja matčy nie prynieśli sensacyjnych vynikaŭ, chacia i było niekalki niečakanaściaŭ. Najpierš heta źviazana z parazaj mienskaha «Dynama» ad ziemlakoŭ ź «Lakamatyvu» — 0:1. Niečakana heta tamu, što ŭ pieršaj hulni klub Ihara Kryvuški pieramoh dosyć upeŭniena. «Lakamatyŭ» pieramahaje, ale dalej idzie «Dynama».
Skłała ź siabie paŭnamoctvy letašniaha pieramožcy Kubku bieraściejskaje «Dynama», jakoje choć i pieramahło ŭ subotu «Homiel» (2:1), ale prajści dalej nie atrymałasia.
Dźvie adnolkavyja pieramohi ź minimalnym likam atrymaŭ barysaŭski BATE nad «Vierasam». Darečy, čempijonam pašancavała ź losavańniem. U nastupnym raŭndzie barysaŭcy sustrenucca ź śvietłahorskim «Chimikam», adzinym pradstaŭnikom druhoj lihi.
Astatnija matčy prynieśli nastupnyja vyniki: «Viciebsk» — «Dniapro» 0:1, «Nioman» — «Daryda» 0:1, «Šachcior» — «Miensk» 3:2.
U čverćfinałach zhulajuć: BATE — «Chimik», MTZ‑RIPA — «Homiel», «Šachcior» — «Daryda», «Dynama» (Miensk) — «Dniapro». Pieršyja matčy adbuducca na hetych vychodnych.