Rasija zabaraniła ŭvoz u krainu charčovych tavaraŭ z Ukrainy. Pra heta paviedamiŭ ministr ekanamičnaha raźvićcia RF Alaksiej Ulukajeŭ. Zabarona ŭstupić u siłu z 1 studzienia 2016 hoda.
«Raz Ukraina dałučyłasia da sankcyj suprać Rasijskaj Fiederacyi — ekanamičnych, finansavych, my pryniali rašeńnie ab uviadzieńni … achoŭnych mier u vyhladzie charčovaha embarha. Prosta heta rašeńnie maje adterminavany charaktar. Jano taksama adterminavana da 1 studzienia», — skazaŭ jon.
16 vieraśnia 2015 prezident Ukrainy Piatro Parašenka padpisaŭ ukaz pra ŭviadzieńnie ŭ dziejańnie śpisu sankcyj suprać 388 fizičnych i 105 jurydyčnych asob, raniej zaćvierdžanaha Radaj nacyjanalnaj biaśpieki i abarony Ukrainy.
Ekanamičnyja sankcyi zakranuli 29 rasijskich bankaŭ, bolš za 20 rasijskich avijakampanij, niekalki pradpryjemstvaŭ vajskova-pramysłovaha kompleksu, najbujniejšych rasijskich vytvorcaŭ antyvirusnych prahram.
Na Šry-Łancy ŭ 37 hadoŭ pamior biełaruski kinapradziusar Andrej Matałyha4
Kamientary