Pryłada bomby, jakuju mahli vykarystoŭvać bajeviki dla ažyćciaŭleńnia teraktu na borcie rasijskaha samalota Airbus A321 ŭ Jehipcie, anałahična tym vybuchovym pryładam, jakija vykarystoŭvalisia dla vybuchaŭ u žyłych damach u Maskvie ŭ 1999 hodzie, piša hazieta «Kommiersant».
Napiaredadni časopis terarystyčnaj hrupoŭki «Isłamskaja dziaržava» Dabiq apublikavaŭ fota bomby, jakuju, pa śćviardžeńni bajevikoŭ, vykarystoŭvali dla vybuchu na borcie A321. Jana ŭjaŭlaje saboj aluminijevuju banku z-pad napoju Schweppes, u jakuju akramia vybuchoŭki byli źmieščanyja elektradetanatar i pieraklučalnik.
Zaraz fatahrafiju vyvučajuć śpiecyjalisty FSB. Ekśpiert-vybuchatechniki raspavioŭ «Kommiersantu», što bajeviki vykarystoŭvali «standartny elektradetanatar savieckaha ŭzoru» i zvyčajny kitajski elektrovyklučalnik dla bytavych pryboraŭ z prymacavanym da jaho izastužkaj tajmieram. Usie hetyja pradmiety znachodziacca ŭ svabodnym prodažy i adnosiacca da elemientarnaj elektroniki.
Hazieta adznačaje, što anałahičnyja vybuchovyja pryłady z aluminijevych słoikaŭ z vybuchoŭkaj aktyŭna ŭžyvalisia bajevikami padčas kanfliktaŭ na Paŭnočnym Kaŭkazie. Krynicy vydańnia taksama śćviardžajuć, što pa miechaniźmie pracy bomba identyčnaja tym, jakija byli vykarystanyja pry padryvach žyłych damoŭ na vulicy Hurjanava i Kašyrskaj šašy ŭ Maskvie ŭ vieraśni 1999 hoda. Tady zahinuli 230 čałaviek, arhanizatarami teraktaŭ byli Chatab i jaho saŭdzielniki..
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary