U bierlinskim vydaviectvie Trescher trochtysiačnym nakładam vyjšaŭ najbujniejšy daviednik pa Biełarusi na niamieckaj movie. Aŭtary vydańnia abjomam 500 staronak — Andre Biom i Maryna Rachlej.
Fiłołah i słavist Biom vykładaŭ niamieckuju movu ŭ Minsku i Hrodnie pa prahramie niamieckaj słužby akademičnych abmienaŭ, vałodaje ruskaj i biełaruskaj movami. Rachlej — byłaja žurnalistka infarmacyjnaj kampanii BiełaPAN, jakaja pracuje ŭ Bierlinie.
U daviednik uvajšli nacyjanalnyja parki, a taksama słavutyja miaściny roznych haradoŭ usich abłaściej: Słucka, Rakava, Barysava, Kosava, Bychava, Vietki, Čačerska, Łunna, Słonima, Iŭja, Halšan, Oršy i inš. Pa Minsku prapanavana niekalki turystyčnych maršrutaŭ.
«Bolšaja častka daviedačnaha vydańnia pryśviečanaja historyi krainy, sučasnaj situacyi ŭ palitycy, ekanomicy, kultury, relihii. Karotki ruska-biełaruska-niamiecki słoŭnik spatrebicca ŭsim, chto nie vałodaje hetymi movami», — paviedamiła Rachlej.
Aŭtary padkreślivajuć, što historyja Biełarusi nieparyŭna źviazanaja z historyjaj raźvićcia jeŭrapiejskaha kantynientu i historyjaj jeŭrapiejskich vojnaŭ. Daviednik apisvaje asablivaści kulturnaha i dziaržaŭnaha stanaŭleńnia krainy. «Mienavita tamu my «ŭpisali» ŭ daviednik nie samyja pryvablivyja z punktu hledžańnia čystaha turyzmu miaściny. Naša kancepcyja: «Kraina i jaje kultura — heta bolš, čym možna ŭbačyć vačami», — zaznačyła saaŭtar.
Kniha, jakaja sa śniežnia budzie realizoŭvacca ŭ niamieckamoŭnych krainach i internet-mahazinach, prapanoŭvajecca «padarožnikam i tym, chto choča paznajomicca ź Biełaruśsiu bližej».
U Hiermanii kniha budzie kaštavać 21,59 jeŭra (412 tys. rubloŭ), u Aŭstryi — na 1,01 jeŭra daražej.
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary