U adnosinach Biełarusi i Sierbii niama prablemnych pytańniaŭ, jakija b nie vyrašalisia. Pra heta zajaviŭ Alaksandr Łukašenka na sustrečy sa svaim sierbskim kaleham Tamisłavam Nikaličam.
Prezidenta Sierbii ŭ Pałacy Niezaležnaści taksama sustrakali vice-premjer Uładzimir Siamaška, vice-premjer Natalla Kačanava, kiraŭnik MZS Uładzimir Makiej.
«Darahi Tamisłaŭ, — źviarnuŭsia da kalehi Alaksandr Łukašenka, adznačyŭšy, što toj nie tolki pavodle abaviazku słužby naviedvaje Biełaruś, — Prasunucca ŭ adnosinach nam udałosia. My pastavili zadaču vyjści na paŭmiljarda dalaraŭ. U 2014 hodzie tavaraabarot skłaŭ 250 młn dalaraŭ, u hetym užo bolš, i ŭžo za piacihodku płan vykanajuć i mahčyma adkarektujuć ŭ bok pavieličeńnia».
«U adnosinach prablem asablivych niama, my razumiejem sistemu ŭłady ŭ Sierbii, kali jość dumki asobnych partyj, nie ahresiŭnyja mierkavańnie, i nie mianiaje ahulnaj tanalnaści adnosin», - praciahnuŭ kiraŭnik Biełarusi. Jon taksama paabiacaŭ padtrymku ŭ pieryjad staršynstva Sierbii ŭ ABSIE.
«Daj Boh, kab u mianie z usimi kiraŭnikami dziaržaŭ byli takija adnosiny», - padkreśliŭ Alaksandr Łukašenka.
Tamisłaŭ Nikalič padziakavaŭ biełaruskamu prezidentu za ciopły pryjom, i nahadaŭ, što byvaŭ u Biełarusi jašče kali byŭ u apazicyi ŭ Sierbii. Jon taksama adznačyŭ, čo jaho pieršy vizit u jakaści kiraŭnika dziaržavy adbyŭsia mienavita ŭ Biełaruś.
«Zababony adnosna Biełarusi ŭ Sierbii mocnyja, praduziataści jość navat u tych, chto ŭ našaj delehacyi siońnia naviedvaje Minsk upieršyniu», — pryznaŭ jon. «Ale dzie b my ni byli ŭ Minsku, my bačym vielmi vialiki prahres», - padkreśliŭ jon.
«Jeŭrasajuz pamylaŭsia, nie supracoŭničajučy ź Biełaruśsiu ŭ minułym, ale z vychadam Biełarusi na arenu ŭ suviazi z kanfliktam va Ukrainie, situacyja mianiajecca», - sčitatajet prezident Sierbii.
Jon taksama padtrymaje admienu sankcyj suprać Biełarusi, nazvaŭšy ich hańbaj dla tych, chto ich uvodzić.
«Spadziajusia, što admiena sankcyj budzie tryvałaj. Sankcyi - zaŭsiody hańba dla tych, chto ich uvodzić, a nie dla tych, u dačynieńni da kaho ich ŭvodziać», — padkreśliŭ Tamisłaŭ Nikalič.
Paśla pryvitalnych pramoŭ prezidenty adyšli, kab pravieści pieramovy ŭ vuzkim i pašyranym składach. Lidary dźviuch krain taksama padpišuć sumiesnuju zajavu.
Jak raniej paviedamlałasia, kiraŭnik Sierbii prybyŭ z aficyjnym vizitam u Biełaruś pozna ŭviečary ŭ sieradu.
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary