Jak raspavioŭ «Rehijanalnaj haziecie» dyrektar Minskaha abłasnoha dramteatra ŭ Maładziečnie Jury Kryvieńki, heta była trahičnaja vypadkovaść.
«U piatnicu, 13 listapada, na čyhuncy ŭ Babrujsku Mikałaja Mikałajeviča adkinuła paryvam ciahnika, jaki prachodziŭ mima. Śmierć nastupiła imhnienna. Pierad hetym jon doŭha chvareŭ, pieranios apieracyju na aporna-ruchalny aparat, — pryhadvaje Jury Paŭłavič. — Heta byŭ śvietły, pazityŭny čałaviek, ź vialikim žyćciovym dośviedam. Jon umieŭ znachodzić padychody da ludziej, ź im było pryjemna hutaryć. U maim sercy jon pakinuŭ śvietłuju pałasu».
U Minskim abłasnym dramteatry ŭ Maładziečnie Mikałaj Dzinaŭ pastaviŭ dva dziciačyja śpiektakli: «Cyrk, Cyrk, Cyrk!» i «Bałahančyk!».
Jašče adzin śpiektakl «Padobny na Stynha», pastaŭleny im u Maładziečnie, zrabiŭ teatru honar. Pastanoŭka była pretendentam na Nacyjanalnuju teatralnuju premiju 2014 hoda. Jaje pakazali na scenie Nacyjanalnaha akademičnaha teatra imia Janki Kupały.
«Mikałaj Mikałajevič chapaŭsia za žyćcio. Apošnija jaho prajekty – pra žyćcio, pra losy ludziej. Mianie zasmučaje, što taki čałaviek ad nas pajšoŭ. Adnak paśla zychodu takich ludziej zastajecca śvietłaje», — kaža Ju.Kryvieńki.
Mikałaj Dzinaŭ pajšoŭ z žyćcia ŭ 74 hady. Naradziŭsia jon u Maskvie. Svajoj druhoj radzimaj nazyvaŭ Biełaruś.
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary