Pra heta paviedamiła supracoŭnik Biełhidramieta Ludmiła Paraščuk.
U piatnicu nadvorje ŭ Biełarusi buduć vyznačać atmaśfiernyja franty ad cykłona z centram nad Estonijaj. Časam projduć daždžy. U niekatorych rajonach słaby tuman. Mahčyma ŭzmacnieńnie vietru paryvami da 15-18 m/s. Tempieratura pavietra ŭnačy — ad 3 da 8 ciapła, dniom — plus 5-10 hradusaŭ.
U subotu apadki, u asnoŭnym u vyhladzie daždžu, buduć mieć karotkačasovy charaktar, ale projduć u bolšaści rajonaŭ. Miescami tuman, nočču i ranicaj słaby hałalod. Tempieratura pavietra na praciahu sutak ad 0 da plus 7 hradusaŭ.
22 listapada na bolšaj častcy krainy zachavajecca ŭpłyŭ pola panižanaha cisku, pa paŭdniovym uschodzie adabjecca ŭpłyŭ aktyŭnych atmaśfiernych frantoŭ, jakija pieramiaščajucca z Zachodniaj Jeŭropy, pačnie pastupać bolš chałodnaje pavietra paŭnočnych šyrot. Nočču miescami, dniom pieravažna pa paŭdniovym uschodzie karotkačasovyja apadki (doždž, mokry śnieh). U niekatorych rajonach tuman, słaby hałalod.
Tempieraturny fon panizicca: tempieratura pavietra ŭnačy ad minus 1 da minus 4 hradusaŭ, pa paŭdniovym uschodzie — kala nula; dniom — ad nula da plus 5 hradusaŭ.
«U pačatku nastupnaha tydnia nadvorje ŭ krainie buduć farmavać atmaśfiernyja franty i chaładnavatyja pavietranyja masy, jakija pastupajuć z poŭnačy Jeŭropy», — skazała Ludmiła Paraščuk.
U paniadziełak, 23 listapada, na bolšaj častcy terytoryi apadki, u asnoŭnym mokry śnieh. Miescami słaby hałalod. Tempieratura pavietra ŭnačy - ad minus 5 da plus 2 hradusaŭ, dniom - minus 1 - plus 4.
U aŭtorak miescami projdzie karotkačasovy śnieh. Nočču i ranicaj na niekatorych učastkach daroh hałalodzica. Tempieratura pavietra ŭnačy — ad nula da minus 6 hradusaŭ, dniom — minus 2 — plus 4.
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary