Ispanski sudździa Baltasar Harson apublikavaŭ pietycyju z patrabavańniem pierapachavać astanki byłoha ispanskaha dyktatara Fransiska Franka, pachavanaha ŭ Dalinie Zahinułych niedaloka ad Madryda.
Vielizarny miemaryjał u Dalinie Zahinułych byŭ pabudavany ŭ asnoŭnym u 1940-ja i 1950-ja hady ŭ asnoŭnym rukami źniavolenych, mnohija ź jakich vajavali suprać Franka.
Harson prapanuje pieratvaryć Dalinu Zahinułych u miemaryjał achviaram dyktatury. U ciapierašni čas tam znachodzicca zbudavany pa zahadzie Franka miemaryjał zahinułym u hramadzianskaj vajnie ŭ Ispanii.
U svajoj pietycyi sudździa taksama prapanuje prybrać ź miemaryjalnych mohiłak usie znaki epochi Franka i damahčysia ad uładaŭ aficyjnych prabačeńniaŭ za hady dyktatury.
Zakliki pierapachavać astanki Franka hučali i raniej, adnak kirujučaja ŭ Ispanii Narodnaja partyja vystupaje suprać hetaha.
Adkryty ŭ 1959 miemaryjał pad Madrydam zadumvaŭsia jak pomnik usim zahinułym u vajnie 1936—1939 hadoŭ, tam pachavanyja kala 30 tysiač zahinułych z abodvuch bakoŭ kanfliktu.
Adnak mnohija ispancy siońnia ŭsprymajuć kompleks Dalina Zahinułyja jak napamin pra hady dyktatury.
Zasnavalnik Asacyjacyi za adnaŭleńnie histaryčnaj pamiaci ŭ Ispanii Emilia Silva kaža, što inicyjatyva Baltasara Harsona dobraja, choć i nie novaja.
«Što sapraŭdy surjozna, dyk heta toje, što achviary frankisckaha režymu pavinny apłačvać utrymańnie mahiły dyktatara z svaich padatkaŭ, — skazaŭ Emilio Silva. — Heta amal što dziaržaŭnaja abraza».
20 listapadzie spaŭniajecca 40 hadoŭ z dnia śmierci dyktatara, jaki kiravaŭ Ispanijaj mnohija hady.
Ciapier čytajuć
U Połk Kalinoŭskaha na tydzień pralez milicejski stukač. Ciapier jaho vykryli, i dobra vidać, chto sprabuje abialić ahienta10
Kamientary