U Novaj Ziełandyi pačałosia hałasavańnie na refierendumie, zychod jakoha moža pryvieści da źmieny nacyjanalnaha ściaha krainy. U novaziełandcaŭ jość mienš za miesiac, kab adpravić pa pošcie svoj biuleteń, u jakim jany pavinny vybrać adzin ź piaci dyzajnaŭ novaha ściaha.
U 2016 hodzie projdzie druhi refierendum, padčas jakoha budzie zadadzienaje pytańnie, ci žadajuć žychary krainy zamianić isnujučy nacyjanalny simvał krainy novym.
Ciapierašni ściah Novaj Ziełandyi ŭjaŭlaje saboj siniaje pałotnišča z brytanskim «Junijon Džekam» u levaj vierchniaj čverci i čatyrma čyrvonymi zorkami ź biełaj akantoŭkaj u pravaj častcy.
Na dumku premjer-ministra Džona Kieja, hety ściah nie adlustroŭvaje realij sučasnaj Novaj Ziełandyi. Jon taksama skardziŭsia, što ciapierašni ściah lohka pierabłytać ź dziaržaŭnymi simvałami inšych byłych brytanskich kałonij - u pryvatnaści, z aŭstralijskim.
Razam z tym Džonu Kieju pryjšłosia pryznać, što mnohija novaziełandcy nie suprać zachavać nacyjanalny ściah takim, jakim jany pryvykli jaho bačyć.
Na ahulnanacyjanalny konkurs novych dyzajnaŭ pastupiła bolš za 10 tysiač eskizaŭ. Nie ŭsie ź ich byli surjoznymi, choć i siarod adkinutych varyjantaŭ znajšlisia davoli papularnyja.
Tak, kultavym staŭ dyzajn ściaha, dzie na čornym fonie namalavana nieaficyjnaja emblema krainy — siarebranaja paparać, a taksama ptuška kivi, u jakoj z voka vyryvajecca zialony łazierny pramień.
Adabranyja čatyry varyjanty stali viadomyja ŭ vieraśni, adnak ich padvierhli krytycy, paličyŭšy adnastajnymi i sumnymi.
Ciapier čytajuć
U Połk Kalinoŭskaha na tydzień pralez milicejski stukač. Ciapier jaho vykryli, i dobra vidać, chto sprabuje abialić ahienta10
Kamientary