Bajeviki ŭvarvalisia ŭ hatel Radisson, raźmieščany ŭ Bamaka, uziaŭšy ŭ zakładniki 170 čałaviek. Siarod ich 140 pastajalcaŭ i 30 supracoŭnikaŭ haścinicy, pieradaje NBC News.
Jak raspaviali vidavočcy, złačyncy adkryli ahoń u budynku haścinicy ranicaj u piatnicu. Pavodle infarmacyi The International Business Times, užo try čałavieki zahinuli.
Bajeviki padjechali da hatela na mašynie z dypłamatyčnymi numarami, pieradaje francuzskaje radyjo RFI.
Na miesca zdareńnia prybyli supracoŭniki palicyi. Pakul nivodnaja ź dziejučych u rehijonie hrupovak nie ŭziała na siabie adkaznaść za toje, što zdaryłasia.
U hetym hateli lubiać spyniacca zamiežniki.
«Usio adbyvajecca na siomym paviersie, džychadysty stralajuć u kalidory», — paviedamiŭ pradstaŭnik palicyi Mali ahienctvu Frans pres.
Paviedamlajecca, što kiraŭnictva haścinicy acaniła toje, što adbyvajecca, jak zachop zakładnikaŭ.
«Zhodna z našaj infarmacyi, dva čałavieki zamknuli [ŭnutry] 140 pastajalcaŭ i 30 čałaviek piersanału», - havorycca ŭ zajavie The Rezidor Hotel Group, jakaja vałodaje hatelem Radisson Blu.
Pa słovach vidavočcaŭ, palicyja ŭziała hatel u koła i błakavała darohi ŭ bližejšyja rajony.
Bajeviki adpuścili častku zakładnikaŭ. Siarod ich — tyja, chto zmoh pracytavać Karan, paviedamlaje Reuters sa spasyłkaj na krynicy ŭ siłavych strukturach.
Kolki čałaviek adpuščana, nie ŭdakładniajecca, adnak BBC News paviedamlaje, što dźvie žančyny byli vyviedzienyja z haścinicy.
Adznačajecca, što pry napadzie terarysty, dakładny lik jakich nieviadoma (nazyvajucca ličby ad dvuch da 10), vykrykvali isłamisckija łozunhi. Členami jakoj hrupoŭki źjaŭlajucca bajeviki, taksama pakul nie jasna.
Prynamsi, dvoje supracoŭnikaŭ słužby biaśpieki hatela atrymali ranieńni.
***
U žniŭni byŭ ździejśnieny napad na hatel u malijskim horadzie Sievare. U vyniku zahinuli čaćviora sałdat, piać supracoŭnikaŭ AAN i čaćviora napadnikaŭ.
Ciapier čytajuć
U Połk Kalinoŭskaha na tydzień pralez milicejski stukač. Ciapier jaho vykryli, i dobra vidać, chto sprabuje abialić ahienta10
Kamientary