Žorstkaja hrašova-kredytnaja palityka, jakaja realizujecca ŭ Biełarusi, niehatyŭna adbivajecca na realnym siektary ekanomiki. Da takoj vysnovy pryjšli ekśpierty Jeŭrazijskaha banka raźvićcia (JEABR), punkt hledžańnia jakich pryvodzicca ŭ apošnim vypusku makraekanamičnaha dajdžesta banka.
Analityki banka kanstatujuć, što ŭ kastryčniku 2015 hoda abjom pramysłovaj vytvorčaści ŭ Biełarusi byŭ na 7,1% mienšy ŭ paraŭnańni z anałahičnym miesiacam minułaha hoda. U pryvatnaści vytvorčaść u zdabyŭnych halinach źniziłasia ŭ paraŭnańni z kastryčnikam 2014 hoda na 7,1%, u apracoŭčych halinach — na 7,7%.
Źnižeńnie abjomnych pakazčykaŭ u pramysłovaści abumoŭlenaje žorstkaj hrašova-kredytnaj palitykaj, jakuju z pačatku hetaha hoda pravodzić Nacyjanalny bank Biełarusi, miarkujuć ekanamisty JEABR. «Žorstkaja hrašovaja palityka Nacbanka, adlustravańniem jakoj źjaŭlajecca adnoŭlenaje źnižeńnie hrašovych ahrehataŭ, sadziejničaje stabilizacyi tempaŭ rostu cen, adnaŭleńniu stabilnaści nacyjanalnaj valuty i niekatoramu rostu mižnarodnych reziervaŭ, ale robić niehatyŭny ŭpłyŭ na realnuju aktyŭnaść u ekanomicy», — havorycca ŭ dajdžeście.
Nahadajem, z pačatku 2015 hoda Nacyjanalny bank prytrymlivajecca režymu manietarnaha tarhietavańnia, skiravanaha na abmiežavańnie hrašovaj prapanovy z metaj zapavolvańnia inflacyjnych pracesaŭ.
U 2016 hodzie rehulatar maje namier praciahvać vykarystoŭvać režym manietarnaha tarhietavańnia dla kantrolu nad inflacyjaj. Zhodna z płanami Nacbanka, šyrokaja hrašovaja masa ŭ nastupnym hodzie moža vyraści na 16—20%, a inflacyja — zapavolicca da 12%.
U svaju čarhu Ministerstva ekanomiki Biełarusi prahnazuje, što ŭ nastupnym hodzie na fonie vychadu ekanomiki Rasii z recesii ŭdasca palepšyć pakazčyki pracy pramysłovaści. Rost abjomu pramvytvorčaści ŭ nastupnym hodzie moža skłaści 0,2%, a ekspart tavaraŭ i pasłuh — vyraści na 3,5%.
Ciapier čytajuć
U Połk Kalinoŭskaha na tydzień pralez milicejski stukač. Ciapier jaho vykryli, i dobra vidać, chto sprabuje abialić ahienta10
Kamientary