Kab zavałodać mašynaj i hrašyma davierlivaj žančyny dvoje machlaroŭ zładzili ceły śpiektakl.
36-hadovaja žycharka Viciebska paznajomiłasia z dvuma mužčynami. Adnamu było 37, druhomu — 24. Novyja znajomyja niaredka bavili čas razam. A praź niekatory čas adzin z mužčyn paprasiŭ hetuju znajomuju padvieźci jaho «pa spravach». Małady čałaviek rastłumačyŭ žančynie, što nibyta mienavita ŭ hetym miescy jamu nieabchodna vyrašyć peŭnyja pytańni pa biźniesu sa svaimi partniorami. Akramia taho, mužčyna raspavioŭ, što druhi ich ŭžo znachodzicca ŭ pakazanym miescy, i nieabchodna pryjechać jak maha chutčej. Žančyna pahadziłasia dapamahčy.
Jany pryjechali na miesca i pačałosia «kino». Mužčyny z kimśćci emacyjna havaryli, imitujučy «razborku», a zatym paviedamili, što nieabchodna terminova źjechać. Adzin ź ich sieŭ u aŭto siabroŭki, samu jaje pierasadzili ŭ inšuju mašynu – nibyta, tak było patrebna dla biaśpieki. A zatym mužčyny pasprabavali pierakanać žančynu, što adzin ź ich źbiŭ čałavieka na jaje aŭtamabili. Pryčym jany pierakanali pierapałochanuju žančynu ŭ tym, što paciarpieły dakładna zahinuŭ, i jana, jak uładalnik aŭtamabila, paniasie kryminalnuju adkaznaść za śmierć čałavieka. Praŭda, paviedamili «siabry», jany ŭsio ž mohuć «dapamahčy» i «vyrašyć pytańnie». Dla hetaha treba pieraaformić mašynu na adnaho ź ich, kab potym razabrać aŭto i pradać pa zapčastkach. Taksama mužčyny zapeŭnili, što pazbaviacca ad trupa, ale žančynie pryjdziecca apłacić vydatki.
Znachodziačysia ŭ stanie šoku, žančyna pieradała znajomym klučy, dakumienty na aŭtamabil i bolš za 2000 dołaraŭ. Zatym mužčyny źnikli. A praź niekatory čas padmanutaja kabieta ŭbačyła svoj aŭtamabil, dosyć redkaj marki i madeli, u novaha ŭładalnika. Adšukaŭšy pakupnika svajoj mašyny i pahavaryŭšy ź im, žančyna narešcie zrazumieła, što stała achviaraj ašukancaŭ.
Jana źviarnułasia ŭ milicyju. Mužčyn znajšli. Vyśvietliłasia, što abodva jany ŭžo mieli sudzimaści. Starejšy – za machlarstva i vymahalnictva, małodšy – za kradziež i rabavańnie. Abodva jany źmieščanyja pad vartu.
Ale śledčyja i supracoŭniki milicyi miarkujuć, što padazravanyja asoby mohuć być datyčnyja da ździajśnieńnia inšych złačynstvaŭ na terytoryi Viciebskaj vobłaści. Tamu, kali vy majecie jakuju-niebudź infarmacyjaj ab asobach, pradstaŭlenych na fotazdymkach, albo paciarpieli ad ich złačynnych dziejańniaŭ, paviedamicie ab hetym pa telefonach 80212 36-50-44, 80212 37-00-40, albo prychodźcie pa adrasie horad Viciebsk, vuł. Kasmanaŭtaŭ d.3.
Ciapier čytajuć
U Połk Kalinoŭskaha na tydzień pralez milicejski stukač. Ciapier jaho vykryli, i dobra vidać, chto sprabuje abialić ahienta10
Kamientary