Fallout-4: siužet, vybar muža ci žonki, aplikacyi, sabaka
Fallout — kampjutarnaja rolevaja hulnia, dziejańnie jakoj adbyvajecca ŭ śviecie, što pieražyŭ jadziernuju vajnu. Dziejańnie hulniaŭ sieryi prachodziać na terytoryi ZŠA. Paśla suśvietnaj jadziernaj vajny kraina pieratvaryłasia ŭ radyjeaktyŭnuju pustyniu, achoplenuju anarchijaj.
Choć padziei hulniaŭ i źmieščanyja ŭ dalokaj budučyni, praz sotni hadoŭ paśla jadziernaj vajny, sieryja Fallout adroźnivajecca charakternym retra-futurystyčnym stylem, natchnionym masavaj kulturaj 1950-ch. Hulni sieryi ŭjaŭlajuć saboj RPG z adkrytym śvietam, jaki daje hulcu mahčymaść svabodna daśledavać raznastajnyja łakacyi i pieraadolvać pieraškody roznymi šlachami.
Tydzień tamu vyjšła čarhovaja sieryja hulni Fallout 4. Minuła 5 hod paśla vychadu papiaredniaj sieryi hulni. I treba adznačyć, što raspracoŭščyki vielmi pastaralisia.
1. Usio vielmi kiepska
Siužet pačynajecca z ustupnaha rolika. Raspracoŭščyki Fallout zaŭsiody zahaniajucca nakont siužeta. Štoraz jany prydumlajuć historyju svajho piersanaža, ale ŭ hety raz jany prosta pieraŭzyšli siabie. Hladzicie.
U videa hałoŭny hieroj dzielicca svaimi pieražyvańniami nakont taho, što śviet staić na parozie vajny. U śviecie Fallout padkreślivajecca niebiaśpieka atamnaj zbroi. Na hetym i padviazana historyja. Hałoŭny hieroj pračynajecca ranicaj 23 kastryčnika 2077 hoda, zajmajecca zvyčajnymi spravami, jak raptam u dźviery stukajecca pradstaŭnik karparacyi Vołt-Tek, jaki śćviardžaje, što čas mirnaha žyćcia chutka moža padyści da kanca, tamu, na vypadak jadziernaj vajny, nieabchodna zareziervavać sabie miesca ŭ prytułku Vołt-Tek. Praź niekatory čas pa telebačańni paviedamlajecca pra jadziernyja bambavańni Ńju-Jorka i Piensilvanii. Siamja hałoŭnaha hieroja traplaje ŭ prytułak 111, adkul jamu pryjdziecca vyjści na pavierchniu tolki praz 210 hadoŭ, bo jon, žonka i dzicio buduć kryjanavanyja (zamarožanyja).
2. Stvary siabie i svaju žonku sam
Pačynajučy z Fallot 3 kožny hulec moh stvaryć sam svajho piersanaža. U novaj hulni, akramia siabie, vy možacie abrać vyhlad svajoj žonki. Bolej za toje, vy možacie hulać za žančynu.
Heta jašče bolš dazvalaje akunucca ŭ postapakaliptyčnuju atmaśfieru. Darečy, nie abaviazkova rabić siabie. Voś niekatoryja amatary zrabili viadomych nam prezidentaŭ. Pasprabujcie adhadać, chto jość chto.
3. To nie dudka, nie žalejka, to Pip-Boy trochliniejka
Siońnia vytvorcy hulniaŭ vypuskajuć roznyja aplikacyi dla mabilnych telefonaŭ, jakija dajuć dadatkovyja mahčymaści ŭ hulniach. Amataram Fallout'a paščaściła — dla ich vypuścili śpiecyjalnuju viersiju z Pip-Boy. U Minsku licenzijnaja hulnia razam z hetaj pryładaj budzie kaštavać 4 750 000 rubloŭ i tolki dla PS4. Ci jość takija amatary ŭ Biełarusi, hatovyja vydatkavać stolki hrošaj?
Dla astatnich vyjšła aplikacyja na mabilny telefon. Jość jak na Android, tak i na IOs. Pip-Boy dazvalaje źbirać, madyfikavać zbroju i vopratku, a taksama miedpreparaty.
4. Sabaka — najlepšy siabar čałavieka
Upieršyniu ŭ hieroja źjavicca viečny jaho spadarožnik — sabaka, padobny na niamieckuju aŭčarku. Jamu možna addavać kamandy, kab jon pieramiaściŭsia, napaŭ abo prynios pradmiety. Tolki pahladzicie na jaho ščyryja vočy.
5. Bieź lišnich słoŭ
Možna jašče šmat pisać pra plusy novaha Fallout, ale dziela taho, kab vy całkam pierakanalisia ŭ tym, što było pieraličana raniej, prosta pahladzicie trejler da hulni.
Sistemnyja patrabavańni Fallout 4:
- OS: Windows Vista SP2, 7, 8.
- Pracesar: Intel Core i5-760 2.8GHz / Phenom II X4 970
- Apieratyŭnaja pamiać: 8 GB
- Pamiać videakarty: 2GB
- Vidy padtrymlivanych videakartak: Nvidia GeForce GTX 670 abo AMD Radeon R9 280
- Miesca na kampjutary: 28 GB
- DirectX 11
«Moj kachany nie čytaje naviny, kali jany napisanyja pa-biełarusku». Darja Caryk stała na abaronu ruskaj movy i pryplała navat Paźniaka48
Kamientary