24 sakavika ŭviečary da pomnika Janku Kupału pryšli bolš za piaćdziesiat čałaviek sa ściahami i kvietkami.
Da pomnika vialikamu pieśniaru Janku Kupału pryjšli bolš za piaćdziesiat čałaviek: starejšyja ŭzrostam i maładyja. Jany pryjšli z kvietkami, nieśli Bieł‑Čyrvona‑Biełyja ściažki i stužki.
Patryjotaŭ sustreła šmatlikaje pradstaŭnictva ŭłady ciemry. Za budynkam Litaraturnaha muzeja Janki Kupały stajali aŭtobusy z zaciemnienymi šybami, poŭnyja amonaŭ. Pierad pomnikam pieśniaru rassypalisia milicejskija i heboŭskija patruli. Jany leźli da biełarusaŭ, sprabavali vyhnać ludziej ź placoŭki.
Pomnik byŭ atočany štakietnikam‑zaharodžaj. Ale biełarusy nie zvažali na palicejščynu i «cicharoŭ». Vialikaj hramadoj jany prajšli da pomnika Kupału i ŭskłali da jaho kvietki. Zaśpiavali biełaruski himn «Mahutny Boža». Hučaŭ poklič : «Žyvie Biełaruskaja Narodnaja Respublika! Žyvie Biełaruś!»
A ranicaj taho ž dnia siabry Kanservatyŭna‑Chryścijanskaj Partyi — BNF adrestaŭravali piać kryžoŭ na terytoryi Narodnaha Memaryjału ŭ Kurapatach. Vandały viarnulisia na śviatoje miesca ŭ noč na katalicki Vialikdzień, kab tvaryć svaju sataninskuju spravu.
U hetuju noč i ŭvieś čas nabližeńnia 90‑ch uhodkaŭ BNR — Dnia Voli režym kałocicca ad strachu pierad biełarusami, jakija śviatkujuć najvialikšaje nacyjanalnaje śviata.
Stalica poŭnaja palicejščyny ŭ mundzirach i cyvilnym. Zadača pasłuhačoŭ režymu nie dapuścić, kab nad našaj ziamloj załunali Bieł‑Čyrvona‑Biełyja Ściahi — napamin pra Volu i Niezaležnaść. Biełaruskija patryjoty adznačajuć čarhovy Dzień Voli pad akupacyjaj. Ale viečna tak nia budzie.
Kamientary