Ministerstva abarony Brytanii źviarnuŭsia da dapamohi sajuźnikaŭ dla marskoj apieracyi pablizu bierahoŭ Šatłandyi, metaj jakoj, pa paviedamleńniach ŚMI, źjaŭlajecca pošuk mierkavanaj rasijskaj padłodki.
Jak raniej paviedamlała hazieta Daily Telegraph, mierkavanaja padvodnaja łodka była zaŭvažanaja prynamsi 10 dzion tamu nazad na poŭnač ad Šatłandyi.
U apieracyi ŭdzielničajuć supraćłodkavyja samaloty vajenna-marskich sił Kanady i Francyi, a taksama brytanskaja padłodka i frehat HMS Sutherland.
«My paćviardžajem, što sajuznyja marskija patrulnyja samaloty, časova bazujucca na bazie Karaleŭskich vajenna-pavietranych siłaŭ Łośsimut, viaduć sumiesnuju dziejnaść z Karaleŭskim vajenna-marskim fłotam. My nie abmiarkoŭvajem detali marskich apieracyj», - zajavili ŭ brytanskim ministerstvie abarony.
Patrulny samalot marskoj avijacyi Francyi Atlantique 2 šukaje padłodku ŭžo 10 dzion.
Hazieta Daily Telegraph piša, što padvodnaja łodka, moža być, sprabuje sačyć za brytanskimi padłodkami, abstalavanymi jadziernymi rakietami «Trajdent».
«Moj kachany nie čytaje naviny, kali jany napisanyja pa-biełarusku». Darja Caryk stała na abaronu ruskaj movy i pryplała navat Paźniaka48
Kamientary