Pradstaŭnik kirujučaj pieranisckaj partyi i hubiernatar pravincyi Buenas-Ajres Daniel Scyoli pryznaŭ parazu na vybarach prezidenta ŭ Arhiencinie.
Jaho supiernik — pravacentryscki kandydat ad partyi «Pieramieny» Maurysia Makry — paśla padliku 91,5% biuleteniaŭ nabiraje 52,1% hałasoŭ. Scyoli sastupaje jamu z vynikam 47,9%.
Scyoli zajaviŭ, što Makry byŭ abrany «zhodna z volaj naroda». Jon paviedamiŭ, što patelefanavaŭ pieramožcu, kab pavinšavać jaho i pažadać «pośpiechu dziela dabra našaj krainy».
U svaju čarhu Makry zajaviŭ u zvarocie da svaich radasnych prychilnikaŭ, što «heta histaryčny dzień, źmiena epochi, jakaja budzie dziŭnaj».
Takim čynam, u Arhiencinie pakładzieny kaniec 12-hadovaj eposie praŭleńnia levapieranisckaj partyi «Front za pieramohu». Makry staŭ prezidentam z samymi libieralnymi ekanamičnymi pohladami ŭ Arhiencinie z 1990-ch hadoŭ.
Pieršapačatkova Scyoli ličyŭsia biassprečnym lideram prezidenckaj honki. Jamu pradkazvali pieramohu jašče ŭ pieršym tury, a vysoki vynik Makry zdaŭsia tady mnohim naziralnikam niečakanym.
Byłoha prezidenta futbolnaha kłuba «Boka Chunijors» adroźnivaje jaho rynkavaja aryjentacyja.
Na dumku naziralnikaŭ, jaho pośpiech źviazany ź niezadavolenaściu nasielnictva ekanamičnaj palitykaj kirujučaj partyi Arhienciny.
«Moj kachany nie čytaje naviny, kali jany napisanyja pa-biełarusku». Darja Caryk stała na abaronu ruskaj movy i pryplała navat Paźniaka48
Kamientary